中山珠海兩天遊

四月三十日 (星期日) 晴

今日join左肥仔同事所揀的中山珠海兩天遊的shopping旅行團, 所以晨咁早五點幾就起身, 六點半準時飛的到達友愛集合食早餐, 真係撞鬼, 咁死早。其實九點先在粉嶺上車的, 但係七點幾已經食完早餐, 撘小巴去上水轉車啦, 點知到左上水都之不過係八點幾, 噢噢, 走左上去搵左間餐廳坐低等等等上車。

開車無幾耐就到左沙頭角過關啦, 過左關轉左巴士, 就開始我地的行程啦。撘左兩個幾鐘頭巴士, 終於到左中山啦, 先去左一個果園到食左個鱘龍三寶宴, 確實地, 食完都唔知鱘龍係乜味。食完都成三點啦, 跟住就行入個果園到任人?啦。入到去間房, 坐低聽佢講一大輪聽唔明0既0野, 只係記得介紹支咩桑汁之類啦, 行到去賣的地方, 要$128人民幣一支, 痴線。跟住去左個叫做生物谷的地方, 睇乜, 賣田七賣靈芝0羅, 睇d人講0野真係幾好笑, 好似睇棟篤笑咁。

玩樂過後, 因為時間的關係, 要去食晚飯, 去左一間叫做「珠海火車頭主題餐廳」到享用自助火?, 頂, 架車行得好快, 基本上都拎唔切的, 算, 宵夜見。之後因為趕行程的關係, 去左一個叫做石景山公園, 去到已經日落西山啦, 可以揀用$50坐纜車上山睇夜景, 個領隊話可以望到澳門的夜景, 我按耐唔住咁串左佢話, 點解我唔去澳門主教山望番過黎呢, 唔使錢喎。

結果咁係無上到去啦, 條路又短, 同埋始終信唔過大陸的機器, 所以在公園食雪糕餵蚊, 好在杯蜜瓜雪糕幾好食。再之後就去左一間百貨公司睇4D電影啦, 要俾錢的, 所以無睇, 怕且大陸4D唔會好睇過日本的掛。而我地就去左行街, 買下零食咁啦。再跟住就係重頭戲啦, 「星光熠熠聚龍歌舞SHOW」, 個SHOW幾好笑的, 氣氛不錯, 個主持間直係珠海版阮兆祥呀。睇完SHOW都十一點幾啦, 返酒店, 是晚酒店為珠海江南酒店, 一間小型酒店, 但好明顯係新裝修的, 所以設施都不錯, 除左無左浴缸或企缸之外。

安頓過後, 就去左食宵夜啦, 餐宵夜叫到好似食咁晚飯咁, 因為餐火?確實唔值得推介。因為肥仔的同事拎左三支紅酒上去, 是晚要飲埋佢, 所以我都飲左大半杯, 同埋飲埋肥仔那杯搆到好難飲的紅酒, 攪到有少少唔知係眼訓定係WING WING地。

五月一日 (星期一) 晴

晨早起來, 早餐過後, 繼續行程。晨咁早去左睇木偶表演, 確實那個木偶SHOW係不錯的, 但係太眼訓的關係, 無心機睇, 食左個小菠蘿後就想睡。之後去左菇蘇別館, 一個賣菇的舖頭, 又係睇棟篤笑。再去左一個叫做澳雪西子園的地方, 睇蘆薈產品, SALES 的爆, 一包茶葉都二百蚊, 痴線, 講到D護膚品差唔多貴過SKII咁滯。跟住去左買手信, 又係那些杏仁餅呀, 豬肉干咁, 唯一我有買0野的地方。是日午餐在一個叫做「得月舫」的地方食飯, 環境確實唔錯, 似沙田那隻畫舫咁啦。飯後, 再去左個叫做漁家風情園的地方, 確實唔清楚佢想做乜, 只係叫你俾錢飯湯。再之後就去哈利波特魔法世界, 同埋食下午茶, 但係塞左好耐車, 攪到訓醒幾轉。

但在塞車的過程?邊, 感受到珠海係一個規劃好好的地方, 地方乾淨, 所有設施都好好, 海邊的情侶路環境亦很優美。由於五一勞動節的關係, 人很多, 整個海邊都是人。食過下午茶, 那個什麼燕窩蛋撻, 一啖一個, 那杯什麼奶茶, 成杯阿華田咁。食埋下午茶, 就乘車由中山返深圳lu, 車程兩個小時, 車程的途中, 一路望住中山的發展, 田園關始越來越少, 房屋越來越多, 屋亦越來越靚, 天亦越來越黑, 望住個月亮, 好靚, 外國的月亮真係特別靚, 特別近的。但係當一返到深圳二線的地區時, 外邊的景色就一變了, 由於好多高樓, 很多射燈, 攪到個天好光, 乜都睇唔到。

返到深圳解散後, 都八點幾啦, 攪左個地方食飯, 食完飯仲去行左陣超級市場。本來諗住好多人會過關, 但點知係無人, 極其快, 差d快到連張身份證都拎唔切添。但總括來說, 這個行程都唔差的, 差在太多買0野啦, 下次長隆, 希望唔會咁多啦。