拜山

今日去拜阿公, 明明約十一點, 結果攪下呢攪下路, 十二點幾先出到去, 跟住塞車, 幾驚要行上山去呀, 好在係塞燈位, 但後尾都係頂唔順, 行左一小段大斜路。

肥仔今次跟埋我去, 佢順便去拜埋佢婆婆, 但佢搵左好耐都搵唔到佢婆婆住邊, 我都無理佢, 佢有佢搵, 我有我拜, 我有好多個地方拜架0麻, 佢打番屋企又唔通, 結果要打到去佢舅父到先知響邊, 原來佢婆婆住高我公公兩層, 同一棟大廈。

拜完後, 祭品當場解決, 只係剩番d鴨, 燒肉呀返屋企食, 所以是晚去左舅父屋企食飯, 晏晝就同媽媽去左買被, 做咕喱, 不過唔係我, 係肥仔, 哈哈哈。