黑色暴雨下之三日假期

今朝起身, 去到刷咁牙, 聽到爸爸話黑雨, 我都無留意出邊個天係咩樣, 我只係唔願起身返工0者。結果走出去按下電視, 按無線, 舊雲係黑色, 但側邊個標題話係紅色, 再按亞視同有線, 確定係黑色後, 入房開電腦, 先望下出窗, 又真係好似幾大雨咁。上intranet確定十點後落就唔使返工後, 就出去看電視, 見到周圍浸得好誇張, 好彩唔使返工咋, 上網見到d同事, 各人交換各地情報, 得知港島區落好鬼大雨, 但又唔敢訓覺喎, 驚要起身返工。結果睇下報紙, 睇下電視, 上下網, 等到十點立即訓覺。

訓醒同哥哥去左小曼谷食飯, 跟住就出去學車啦。

今日係第一堂學車, 好驚好大雨, 師傅可能驚我以為大雨唔使學, 打黎提我, 哈哈。好在過程中都無乜雨, 係佢講咁理論時落雨0者。當佢講完理輪, 到我開車了, 上到個位那一刻好古怪, 又唔係好驚喎, 個感覺有少少打機feel, 佢教識我點開車, 我就係咁去啦, 但其實我唔係好知自已做咁乜, 自係知唔好踩咁多油, 因為個油門好鬼鬆, 我只係驚標前去。

師傅咪成日叫我望遠d lor, 同埋唔好踩咁快, 而家唔使學豬腸呔啦, 好out啦喎, 交叉手ok啦喎, 暫時都係一個星期學一堂, 都幾好玩呀。