三月頭, 天氣仍然寒冷, 早上五時四十五分已被爸爸炒醒, 雖然佢唔會回鄉, 但仍比我們緊張。
早上六時許, 在寒冷天的氣中, 哥哥與我一起撘車出旺角吃早餐, 八點已經到達旺角, 沒辦法, 正常班次已經無飛賣, 想在屯門上車也不行, 我們已經要撘加班車的第二班了, 為何會這麼多人回鄉拜山呢。終於等到我班遲到車了, 明明之前那間都準時的。這架車還要經沙田上客才可以過關, 在香港這邊都要兜成大半個鐘頭才到關口, 不像平時, 這加班車, 我們不知道會在那過關的, 雖然極度眼訓, 但照常理經沙田後, 很快便可以去到關口了, 但這車竟然在文錦渡過關, 很爆。點諗都諗唔到在這個關口過關lor, 超落後的關口, 香港關還好, 大陸關很像身處一間鄉村學校咁, 好攪笑的。
過關後, 轉左車, 立即訓, 但超勁涷, 因為車係關鮮風的, 即係等同在高速行駛中的在外的天氣溫度, 見到車上各人都帶上褸上的帽子, 將身體各部份都蓋著, 睡下去, 雖然很寒, 但竟然我係訓到爆的, 但係點解次次我返上去, 都係會塞車的呢, 結果在東莞又塞, 仲塞左好耐, 還好, 我很訓得。在中山廁所位下車後, 又斷斷逐逐繼續訓, 結果五個小時後, 我終於回到我的家鄉了。
這次回鄉, 得我兩, 沒有親友接車, 我們兩個背包友, 在街上搵的士, 唔知點解的士都幾難搵的。返到酒店, 拎房其間, 我已經開始搵我午餐及晚餐的落腳點。取房後已經兩點了, 立即走去食飯, 午餐我選了麥田咖啡, 見佢靚靚地, 又未試過, 乜都有得食的餐廳, 見佢d扒都唔錯, 決定一試。我試了雞扒鐵板餐, 個紅湯超好飲, 絶無溝水, 似自家制湯。扒, 係原隻雞脾上, 我懷疑真的新鮮雞, 很滑, 很好吃, 黑椒汁又正。哥哥的岩燒豬扒都ok的, 即場在你面前燒, 兩大塊, 只係六十八蚊仲送你雞尾酒或者紅酒, 再加沙律, 勁呀, 但我唔會在極渡肚餓之時, 等佢燒lor, 因為佢燒時, 我已經食完的的午餐了。
在午飯期間, 堂哥在附近做野, 佢黎搵左我地坐左一陣傾計, 他提醒我們記得要買水鞋, 因為落左咁多日雨, 路難行, 如果唔係對鞋返唔到香港的了。所以食完飯後, 立即去左華潤萬家買左水鞋, 兩對都幾貴, 九十幾蚊, 食到餐飯啦。但無法子, 外邊仍在落雨, 沒有陽光, 地也不會立時乾, 還是買了。
買完拎返上房後, 與堂哥分別了, 因為我地想自己周圍行下, 我地去左步行街, 下著雨, 但天氣沒有想像中的冷, 因為其實我唔係好夠衫的, 佢跌到十度我死硬, 想補飛都難, 因為成條街都轉左季了。在步行行逛完後, 便回到華潤萬家買野食啦, 因為怕我夜晚會肚餓, 同埋怕我明天拜山後, 吃不飽, 回程又肚餓, 還是買定零食好了。
消費過後, 便回房稍作休息, 結果, 我又訓左, 哈哈, 訓醒便往打邊爐了。今晚選擇了粥底火鍋, 未試過又試下。其實我都唔知係乜的, 但見佢靚靚地, 乾乾淨淨咁, 又試下。粥底一大鍋, 只係十三蚊, 點大, 人地電視煮鮑魚的大瓦煲, 內裏已經有紅棗片的了。我們叫了一隻只值二十八蚊的走地雞仔, 一碟脆魭, 一碟豬頸肉, 同埋一條油條。粥底火鍋係點, 咪即係生滾粥咁lor, 將所有野落哂去, 連薑絲生菜絲一起滾, 正呀。
其實最好味並不是粥同埋料, 最正係d豉油, 好明顯係煮過的, 很好吃, 埋單只係八十五蚊, 作死, 當然食唔哂啦, 只係食左三分一到粥到啦, 料剩番少少咁啦, 超勁呀。
返到上房, 上網, 但後尾發現酒店多左樣新玩意, 就係寬頻電視, 開初以為要收費的, 好期下打去問下, 原來是免費的。有廿四小時的劇集, 台, 日, 韓, 內地香港的片種應有盡有, 連84年的鹿鼎記到最新的黃曉明國語版的都有, 廣東話的珠光寶氣都有, 廿四小時新聞台, 有遊戲, 俾錢還有電影, 或者波睇。結果兩兄妹, 係到睇番miss左的黃曉明鹿鼎記的大結局。
@好好味羅宋湯
@跟餐的雞尾酒及沙律
@好勁的岩石燒
@拜山必備 - 水鞋
@好大窩粥, 最後變左雞粥
3月8日 星期日
七時許起來準備, 先吃早餐, 再回房執行李, 早餐沒有進步過, 仍然很普通, 算吧房價也不過是二百幾, 可以俾咩你食。hea下又睇劇, 終於等到堂哥來接我們回村了, 拜山是要租車的, 因為有段路途的。到達阿叔家中後, 便換上我的拜山look了, 著起水鞋玩水"乙水", 超開心的, 應該買埋把透明遮, 咁就似子丸子啦, 哈哈。
起行了, 先去阿爺樹, 落車已經是一片泥濘了, 著住水鞋並不是萬能的, 也要小心, 因為唔知有幾深, 滑到仲大獲。個個都讚我們聰明, 買定對水鞋。幸好很多雜草, 並不難行, 但仍要踩人地d山lor, 其實都踩少左的了, 第一次還多。我負責照顧各小朋友, 唔好俾佢地周圍走, 關宗耀呢次勁cool呀, 唔踩我地, 自己擺左個post唔郁咁企係到。另外兩個香港妹妹, 超多野問我, 超多野講, 好在佢地陪我咋, 企係樹個個都叫我姑姐, 明明有兩個姪女有我咁高lor, 好老。
好攪笑, 關宗耀個個都唔啋, 又啋我喎, 問佢野係唔出聲, 但又會點頭或者擰頭咁答我喎, 又叫我拖佢去第二樹, 又肯俾我拖喎, 真係好鬼鐘意佢呀。拜完二伯, 跟住去大伯到又要坐車啦, 今次用左一個兜大圈的方法去, 因為山路難行, 同埋多行裝, 所以要兜一個山頭先到, 路途拋到飛起, 真係玩緊越野車的慢板咁, 條路爛到呢, 坐左成半個鐘喎, 後尾去到山頭要上斜, 加車差少少上唔到呀, 我地落哂車, 佢自己慢慢諗辦法攪lu。去大伯呢樹, 除左坐越野車外, 就係在山頭, 外邊的雞場了, 見識乜野叫做走地雞, 整條路, 都係走地雞, 自由活動, 草叢, 雜草, 周圍都係, 唔怪得之d咁彈牙啦。
拜完山, 又返去阿叔到食飯啦, 農村野, 真係連條菜都甜過人的, 乳豬都好好食, 竟然連菜頭都食到津津有味, 正。吃完飯, 坐一陣, 看一陣電視, 便早點先去車站等車啦, 費事好似上次咁趕。手信方面, 雞蛋當然唔少得啦, 今次廿隻, 我一入屋阿嬸就俾我啦, 佢儲定俾我地, 哈哈, 又食又拎, 仲有燒餅, 同埋後尾我先知有菜頭兩大個, 唔怪得個袋咁重。
這個車站的車真的很準時的, 但又係人地lor, 我的加班車又遲了十分鐘了, 之前的班次準到爆呀。回程時, 又還著去程的法國女子了, 這個中國人法國女子, 帶著佢的靚仔法國男朋友回鄉看看祖屋, 去程時, 佢問我地路, 知唔知那個地址在那樹, 佢話佢唔識講國語, 我地話唔怕, 廣東話通行的, 但你這個地址, 我地建議問下d伯伯會好d, 因為都彼為複雜, 我想都幾難搵。回程時, 又見到佢地喎, 人太多, 八掛唔到夠竟佢地成唔成功添。
與堂哥道別後, 便結束這個回鄉之旅啦, 如果唔係落雨, 我們會走多幾個地方的, 沒法子, 下次再去玩過, 我還差溫泉還未去呢, 下次再去。返到香港, 又去左舅父家中吃飯了, 佢地今日都拜阿婆阿公麻。但飯前, 我地取出由鄉下買來拜山的燒餅來吃, 多了沒拿去拜山的那些, 又出奇地好吃喎, 幾驚唔好食呀。
其實今日係我舊曆生日, 其實生日拜唔拜得山架, 哈哈。
@ 我的拜山look
@幾個月前的小狗狗大隻了
@ 我的堂姪仔大個仔左好多
沒有留言:
發佈留言