南丫島遊

很久沒有到過南丫島了, 所以今日決定南丫島遊行山看風車。經過一番研究後, 由索古灣開始, 榕樹灣為終點, 因為索古灣少船同埋榕樹灣有野行, 有野食。

九時已經去到上環了, 在信德等齊人, 同埋食埋早餐就追船啦, 十點四船, 都係要追, 唉~~上到船, 今日天氣不太好, 沒有藍天白雲, 灰灰咁。落船後, 開始行lu, 同舅父行山, 就預左一個鐘頭的行程, 變為起碼兩個小時。佢喜歡行下, 影下, 往往都行行下唔見左人的。

明明查過天文台, 今天是不會落雨的, 但行左無幾耐就開始落雨lu, 幸好, 不是行大, 只是微雨, 但又會令到你濕哂0個隻lor, 唯一好處就係, 無咁熱。逢見到亭, 就入去坐下, 欣賞下沿途風光, 影下相, 最點其實係好倦, 路雖然易行, 但係都倦架。到第二個中途站, 見到有小學生行落去, 個個都拎住條孖條, 個肥仔仲話, 家下食完充滿力量啦, 哈哈, 所以我都拿拿聲行快兩步, 去買番條冰冰食下先, 食完爽哂。

行到呢樹, 差唔到到發電站了, 我們的目的係去看風車, 原來風車呢段路先係最難的, "奪命斜", 唔係一段, 係成段, 成段都係上, 無平地的, 真係行到眼都突埋。上到去, 真係只係看風車的, 無其他野看的, 其實可再行上個亭到的, 但仲要行樓梯行下, 所以, 無再行了。人地話"上山容易, 落山難", 呢段路係"落上容易, 上山難", 話咁快就落到山啦。

落到山, 就往榕樹灣方向走去, 沿途也開始多舖頭了, 經過阿婆豆腐, 當然又要幫襯下, 我都係覺得澳門的最好食, 但隔離檔咖喱又唔錯喎。再繼續行出去啦, 其實都成兩點幾啦, 要去搵地方食午飯的, 行到出去, 是差但搵間餐廳食野, 唔係唔好食, 係整得不當lor, 料其實係用得好的。

食完飯, 一行出門口就開始掃街啦, 舅父試大鴨腎, 媽見到魚肉燒賣, 又話想食, 跟住見到人地煎薄餐, 又買埋黎食, 結果, 個伯伯間舖, 除左魚旦無食到之外, 試哂人地舖頭d野, 同埋個伯伯吹左好耐水添, 嬸嬸見到我地買左蕃茄仔, 仲幫我地埋添, 哈哈。

行左入去d街到, 行左一轉, 就行去碼頭撘船啦。返到屋企都成六點幾了, 之後又入左天水圍食客家菜, 又確實不錯喎, 真的很好食, 又唔貴, 不錯不錯。