初探雲妮新居

今日放工, 跟肥肥, 媽媽, 哥哥同埋karen 姐姐去左旺角行裝修公司, 其實最主要係帶阿媽去看看鋁趟門係點的, 可以揀乜顏色, 同埋中間如果做玻璃的, 又可以揀d乜。

天時暑氣, 行到身水身汗, 我地沒有什麼得益, 因為看磚, 我覺得全部都差唔多, 同埋基本上, 我諗我都有咁上下的idea了, 知道自己想要乜的。

看完後, 便出發往土瓜灣雲妮的受巢啦。第一次到土瓜灣, 其實還不是第一次, 出世係在那裏住的, 屋好似都拆左啦, 感覺還好, 但覺得有少少似元朗, 但都算幾方便, 樓下有野食, 有超市。

舊樓, 最怕無lift, 幸好還有, 但一出lift, 很難搵到門牌, 同埋ABCD, 好得意的, 係左右左右分的, 好攪笑。

一入屋, 一眼看完了, 盤算了一會, 我想我屋企個廳加廚房已經等於佢整間屋啦。但間隔還算可以, 四四正正的, 起碼放到各類櫃來收藏雜物。

在她家看了一會兒佢結婚日的DVD, 傾左陣計, 跟住再食埋雲妮自家焗制芝士蛋糕, 很好味, 之後便落街食飯LU。

家常小菜, 都OK好食, 個湯都幾好飲, 但應該勁多味精, 唔係點會咁好飲。八點零就散水啦, 係咪我地開始老呢, 越來越早散水。

我跟左阿志車, 結果, 一行四人再戰元朗綿綿冰, 嘩, 間野勁多人, 門口開枱都開成十枱, 幸好剛好有位, 唔使等。一人一個, 阿志說已經沒有開始時咁綿, 其實係好似食雪糕的, 一路食一路震, 越食越凍, 味道都不錯, 我想下次還有機會食的話, 我應該要同人地sharing。