書展

今日放工, 約左哥哥同埋karen姐姐行書展, 由公司行過去, 沿路已經見到很多鐵馬, 心知不妙, 見龍尾都是在鷹君7仔門口0者, 都還可以。行去瑞安中心等佢兩個, 結果在大家樂怱怱用膳後, 便往書展進發, 龍頭不嬲都是在中環廣場的, 我地行番去時, 龍頭基本上已經在天橋了。一路行無停過, 結果, 龍尾在海港中心書局門口先掉頭, 頂, 總知係公司附近食, 同埋等啦。

入到去, 先左去三樓展館, 人不太多, 很多, 還很好行, 但係無乜野好看。再回一號展館, 攪鬼, 一入去已經見到人山人海, 加上我入的入口, 剛剛蔡生係到簽名, 攪到道路擠塞, 經過左佢後, 搵個地方開始行, 場館大了, 路是闊了, 但係人很多, 沒有分別, 基本上, 想入booth, 要排除萬難的, 都唔明點解, 商務八折咋麻, 平時舖頭都係八折0者, 使唔使咁多人。

基本上我都係走馬看花咁睇, 因為實在太多人啦, 場館又大, 行到腳軟。其間我見到, 王貽興, 第一眼看我以為係樊少皇添, 唔靚仔的。行左兩個零鐘, 一d收獲都無, 因為想買都要排大隊俾錢的, 同埋其實0靚模d書好難搵到的, 我行左兩個幾鐘, 只係見到四本到, 其他的, 很多都唔知放邊的。