2011 曼谷之旅

好開心年頭又有得去旅行啦, 事前工夫做到足, 同事都係在我出發前先知我去旅行, 朋友更加係出發左先知, 其實都無他0既, 去旅行之麻, 唔使周圍唱。

講開就失禮, 原來過去十年, 我係同老公除左澳門外, 係無試過兩條友撘飛機自由行的。由識得搵錢去旅行, 唔係跟團, 就係成班人又或者一家人, 今次竟然係我地自由行的第一次。

今次旅程, 一個月前已經訂機票酒店啦, 本想同老公係曼谷過生日, 但費事調到d星期六亂哂, 所以決定早一個星期起行。

行程我都係用左一個星期編好, 目的都係食, 行, 按。同埋去d我無去過的地方shop。

結果係食左一餐意大利餐, 真係好食, 間餐廳又唔俾影相的, 但我都用iphone偷影了, 又食左shabu shabu, 同埋or tor kor的魚蛋粉, 確實好味。

Shopping 係呢個旅行的主要行程, 兩公婆朝十晚十係條街到, 當然中間會去按下摩啦, 唔係真係腳都破埋。今次我終於去到翟度翟啦, 呢個係星期六起行的原因, 好在我地早去, 無乜人, 佢其實同個夜市一樣的, 只係weekend先開, 同埋大十倍到啦。之但係我諗我都行左大半的了, 衫買左幾件, 其實係好想買杯碟茶壺的, 因為真係好靚, 但怕爛都係放棄了。我地走時, 開始人多了, 好在早左去0者。

之後去or tor kor買生果, 買手信, 我去番上年買的那間舖頭, 我行埋去都未開始睇, 個姨姨就好開心咁走埋黎話認得我, 好surprise呀, 可能舊年真係買得好瘋顛, 佢記得, 哈哈, 今年好叻呀, 佢幫我pack埋箱, 成箱可以寄倉。跟住行到去賣T字蜜瓜的攤檔, 見到有汁汁賣, 諗緊買唔買時, 見到個叔叔一野飲左兩支, 我即係同肥肥買黎飲, 起好飲呀, 好新鮮, 比起食仲好。跟住又買左2 kilo 我以為係枇杷的生果, 結果返黎舅父話我知, 係同枇杷一樣的芒果仔, 哈哈, 我仲同媽媽講, 我係泰國無食過芒果呀, 因為唔當做。

今年, 夜市執左, 無夜街行, 記得睇過書, 話SIAM SQUARE夜晚會有人擺檔出黎的, 咪行去睇下LOR, 由SIAM個站, 一路沿住行都係賣衫的, 我地沿住行, 行到去下一個站, 入口都係檔攤, 結果行到去個站都買到衫, 真係痴線, D TEE真係又平靚正。第二日又行多轉, 因為早左, 又多D檔, 又買到, 真係痴左。

是次旅程真係好豐收, 酒店舒服服務好, 又買左好多野, 好開心呀, 又期待下一次的旅程, 但最快都要五月啦。