Body Chek

終於的起心肝去做body check啦, 唔係我, 係肥肥, 我想迫佢去好耐架啦。除左佢, 我地仲做埋"婚前檢查", 應該係結婚前0既, 咁未諗住生仔咪唔做住lor, 呢d野又唔急0既, 家下開始諗下生仔, 咪得閒check左先。我選左係d 醫療中心做, 無係家計會做咁煩, 因為時間易約d。

做完body check, 由佐敦去左尖咀搵巴士撘去九龍灣, 因為是晚係九龍灣飲, 今個月要飲, 係有五單飲宴, 一單滿月, 是晚係肥肥二表哥個仔的滿月。

由於早起身關係, 一上車就訓, 結果加埋塞車, 我諗我地坐左個半鐘先去到九龍灣, 我地由上車訓到醒都未落車。

今晚假座翠園食飯, 翠園一路都未試過, 但好好食, 都係美心集團0者, 點解差咁遠, 真係由頭到尾都好好食, 好明顯高檔左少少咋麻。今晚好勁, 平時鮑片生菜架麻, 我地係食原隻鮑魚生菜, 真係食到嘩嘩聲的, 真係超滿足, 起飽咁走人呀。