年初二

老公, 生日快樂, 邊有人唔係年初一生日就年初二生日架, 無得慶祝lu。

今日如常去肥肥大舅父家拜年, 得知某表弟年尾會結婚了, 而妹妹也說應該出年年頭也結婚了, 喜上加喜呀。無無聊聊咁同各人吹下水, 今年無留底係到食飯lu, 因為約左鄭小姐一家去海港城睇煙花呀, 好開心呀。

今日天氣好凍, 濛濛雨咁, 幸好放煙花時, 天氣放晴, 真好。呢兩個小朋友真係好可愛, 雖然今日真正見到拳來拳往, 但打得好攪笑的, 但當然仍然俾大少不停咁, 由頭鬧到尾啦, 陰公, 所以西瓜係咁痴住我同肥肥, 因為我地唔會鬧佢麻。

係海港城睇煙花, 真係好開心, 好靚呀, 四隻船睇哂, 係我地面前係咁爆爆爆爆爆, 真係地都震, 希望鄭小姐每放煙花都記得我啦, 哈哈。