今個情人節, 過得好平淡, 平淡得有點兒習慣, 自結婚後, 我都跟自己說, 不要有那麼大期望, 那便沒有失望了, 但人總會有期望。同事們總會問有無花收呀, 我話結左婚乜都無架啦, 同埋覺得幾百蚊, 謝左就無左, 好唔抵咁, 之但係心入邊其實都望住個門口, 夠竟有無人送花黎呢?
之於食飯方面, 今年去左打邊爐, 因為覺得中餐會無乜人食, 同埋都係我提議的, 又係我安排的, 講真今日真係唔係咁開心, 一路望住個FACEBOOK, 每個人都係到SHOWOFF自己收到乜禮物, 收到花無, 又或者係到講, XXX或老婆, 多謝你, 我愛你等等, 之但係, 我呢, 連糖都無位, 我真係講唔出, 無辦法, 因為我真係好無奈咁接受我的平淡。
其實我真係好想有D驚喜, 今年的驚喜係個蛋糕, 但並不是我所想的, 同埋我覺得誠意係無, 因為都係佢公司開始俾D客, 佢去JOIN, 而個味道又係我唔喜歡食的, 又係係無得揀的情況下, 我無奈接受, 確實, 那一刻心甜都有的, 但唔多。
很開心可以好快咁過左個情人節, 我唔喜歡, 我真的不喜歡。我想到生日, 又係我自己安排的, 我又感到不安了, 因為今年生日, 我安排左自己去旅行, 去旅行即係又係我諗去邊食飯, 去邊到玩, 即係又係我安排節目俾自己, 講真, 其實我真係好想有人安排埋俾我, 我想做參加者, 而不是攪手, 生日都要自己攪埋, 唉......................
沒有留言:
發佈留言