妹妹婚禮

隔左一個星期, 今日就到妹妹的婚禮啦, 是日假座朗豪酒店舉行自助午宴。

晨早五時半, 我地就要起身啦, 因為要7點45分出到去, 我地6點半出門口, 竟然係7點已經落車啦, 仲有時間去嘆個早餐, 今天無啦啦凍左好多, 朝早出門, 天都未光, 又毛毛雨, 好在條裙夠厚咋。

上到房, 姨媽佢地已經坐哂係到啦, 超早, 而我又被通知要化妝, 乜唔係九點幾先咩? 是但啦, 拿拿聲帶CON, 俾化妝姐姐化啦, 我叫左佢化個精精神神唔使咁濃的妝好了, 頭都無乜點整, 因為都整唔得幾多, 只係幫我夾好D厚厚頭髮便成了, 媽媽都讚這個妝化得不錯, 嘻嘻, 最勁係, 條裙, 真係唔覺有左六個幾月架。

預備好哂, 就接新娘啦, 由於我唔可以望住新娘新郎出入, 所以我呢埋左係房睇接新娘, 由於又係無時間關係, 所以超短, 唔好玩的。

做嫂嫂當然係飲茶啦, 小不點都有份飲架, 送完禮物, 影完相後, 妹妹就出門去男家, 我地都休息一陣, 再去42/F星願廳到等食啦。

個場確實不錯, 夜晚應該真係幾靚的, 因為連廁所都望海的, 哈哈。

之但係新娘同新郎都係遲到囉, 成十二點幾先返到, 點幾先進場, 等到發呆。食物方面, 我覺得麻麻地啦, 又話主打賴尿蝦, 隻蝦細到呢.....同埋好多野我都唔食得, 主攻沙律, 但係個NEW YORK CHEESE CAKE又好好味喎。

我覺得, 我係帝苑0個餐CHEAP CHEAP好D, 連肥肥同媽媽都係咁講, 因為朗豪個價錢, 唔值俾呢D野食囉。

妹妹終於都完婚啦, 老爺可以安樂了, 下一個喜事, 就係等小不點出世啦。