流年不利

年初五，好地地放工返到去、無啦啦老豆走黎話，肥仔封利是得$500， 你媽唔高興，又話有無攪錯，呢d點可以俾少，只可俾多。

我都知今年實la野，阿媽一早已經講話阿哥年年都俾多一個月家用佢過年，阿嫂今年又買乜買物，我都醒架啦，今年都俾多一千幾百佢過年，仲千叮萬囑肥仔封利是，諗住無死啦，做得好好睇睇，點知都係俾死肥仔過我一棟，得嗰$500，錢無變無野，少左就死架啦。

個仔日日打阿婆，佢條氣已經唔順，佢老豆又俾多個獲我拆，我點拆，獲獲新鮮獲獲金。

阿媽又要數埋陳年野，講到上海嗰次旅行，要哥俾返半，好話我唔請佢去，母親節又無食飯，父親節個蛋糕，都係哥買，人地湊住2件咁唔得閒都買到，又話仆心仆命咁幫你湊仔，俾返少少自尊佢得唔得。

講到咁，我真係無野好駁，我除左扮死狗仲可以點。

我成日同自己講，我可以做既已經做哂，我點努力做都好，都無人睇到我既好，只會將唔好既無限放大，如何孝敬唔孝敬，佢自己父母都唔孝敬，你會對佢有乜期望。

我付出，沒有人稱讚，只係覺得應份，只會被要求付出更多。

要數陳年舊事，我想我可能數得俾佢更多。