2005年的最後一日生活

6:20am 兩個鬧鐘輪流響起, 經過差不多半個小時的掙扎, 終於捨得爬起身。但起身後發覺有0的唔妥, 個鼻有0的問題。

7:35am 經過一輪很慢的梳洗行動後, 終於捨得出門口, 趕得切撘40分的那班車。喪訓。

8:38am 落車, 行去買早餐。呢個係我05年最後食的餐蛋通。

8:52am 拉咭, 呢個係我蝕錦囊的第一步。

9:00am 吃早餐, 嘆蛇果日報。睇完蛇果, 竟然開始左工作, 或者是因為昨天的半天假期關係, ?面總會留低0的蘇州屎。今日留下的包括, daily report, envelope數個, 電話移位, 隔離部門拎黎的document, super sandwiches的紙巾及super sandwiches的下午茶meau。

11:30am 突然醒覺, 做乜今日會做0野, 所以決定收爐, 有咩出年見啦。聽歌遊覽網站, 睇下人地的遊記。

12:35pm 睇到好眼訓, 好悶, 盟起不如用錦囊走0羅, 但發覺只剩下半個小時, 唔抵，決定開飯食。飯商05年最後一日都唔俾我地好過, 一開差不多全白的食物。白色椰菜花, 咸魚雞粒白色炒飯, 雪菜肉絲炒米粉, 煎腸粉, 瘦肉粥, 有色勁碎炒賴粉。

1:00pm 閃人, 呢下拉咭, 全年的benefit, 錦囊最新計算。

2:35pm 返到屋企, 拿拿林拎整架生, 霸地頭訓覺。

5:30pm 起身梳洗起行去歐陽家。

6:00pm 有人遲到。

6:30pm 到達歐陽家。hea~~~

7:30pm -8:30pm 開始人齊, 玩左陣UNO層層?, 唔好玩的。

9:00pm 開始晚飯, 全全到達, 齊人, 嘻嘻哈哈, 完成餐飯。

10:00pm 睇相想當年一番。真的很好笑。發覺真係老了。

10:30pm 開始玩pictorary, 今次戰果係, 我, 全全, 威爺, doris一組大敗。曾試過人地在終點, 我地仲響起點。而膝頭哥的戰況都好激烈, 仍然疼哂。

11:45pm 停戰, 等候倒數, 我地選擇左同旺阿姐倒數, 其實無得揀。其實咁多年我地係無一齊咁樣倒數的。

00:00am 踏入2006年了, 我地歡呼, 成班傻你咁, 仲要拍埋movie。

00:15am 選擇左睇2006年的第一套戲, swing girls, 仍然覺得好笑。

2:15:am 歸家去, 等左好耐輕鐵。

3:00am 返到屋企, 坐左響到睇靚女差館尾段。

4:00am 開始睇"我的野蠻同學", 雖然好無聊, 但都覺得幾好睇。

5:00am 上床訓覺。但訓唔著, 諗左好多0野。越諗越唔開心。因為好多0野想做, 但唔知幾時做到。而羡慕及妒忌又出來作怪, 個鼻又好痕, 真係好辛苦, 好難訓得著。

5:45am 聽到老豆鬧鐘響, 知道一定要訓, 唔係實俾人依依哦哦。

2005年最後一日就係咁過左啦, 有開心, 有唔開心。同一大班朋友過, 此乃我喜歡的活動。