一行九男女, 包括新成員iris 老公及doris齊齊晨早十點入到去迪士尼。由於唔記得關掉平時的鬧鐘關係, 六點幾就醒左啦。心情很興奮, 終於有得去迪士尼搵小熊維尼啦。
十點, 噴水池集合, 我同班長及雲妮為左一試迪士尼列車, 所以選擇撘地鐵。成程車, 好多自由人, 好擔擾。
集齊人起行, 一野跑去巴斯光年到諗住拎fast past, 點知無人排隊, 即玩, 勁開心, 有兩萬幾分。
之後玩space mountain, 又話好黑, 但幾實好光, 無0野睇, 得聲同埋快0的, 但都玩到腳仔軟。
米奇幻想曲, 好多人都話好睇的節目, 又真係不錯0野, 佢支棍一飛埋黎, 真係會本能反應地閃。呢套同日本那套差好遠, 呢套好睇好多。
再玩森林河流之旅, 個導遊話呢個係三日兩夜的旅程, 沿途有火有水有動物, 都幾好?, 但係如果個導遊轉左做隔離普通話船的導遊, 我地會更開心, 只係聽到佢講普通話, 已經笑到死, 仲要"來來..啦啦啦啦...啦啦啦啦..啦啦啦啦啦啦啦" (火熱動感啦啦啦), 即刻笑到拍哂手。
小熊維尼歷險之旅, 唔太歷險, 無日本那個咁好玩, 因為那個真係歷險的, 去到某一個位, 會勁轉及行埋個蜜糖桶到俾佢失驚無神咁噴的。但係唔明, 四個麻甩佬坐蜜糖車入去玩, 可以做0的乜呢。
罷好位睇巡遊, 一出場的跳舞姐姐條腿好肥, 0的米奇吹氣公仔, 露出左緊急殺停制。愛麗斯唔知點解會似男人, 四個扮士兵的不錯, 曾經見到一個都幾靚的女仔。但係個巡遊好短, 無乜氣氛, 但都OK好睇, 個側邊的姐姐唔識做, 講埋0的唔吉0野。
獅子王慶典, 個場好似在泰國睇人妖SHOW咁的, 好攪笑, 有兩隻馬騮講廣東話作旁白, 但係我唔係好聽得明佢講咩, 反而聽番英文, 睇埋佢做的故事, 反而有少少明白。但個SHOW 唔係太好睇。
食飯, 好奇怪, 在迪士尼食飯, 因為計過, 應該都抵, 所以決定食中餐, 六?一湯, 白飯任載。好奇怪, 好少響迪士尼, 唔係食漢堡飽。食飽飯, 威爺話見暈, 我們建議佢去救護站休息下, 結果DORIS陪左佢去, 雖然我地覺得他係有心避開我地的, 哈。原因係, IRIS老公ERIC話, 佢地兩個成日行咁慢, 佢曾經打撈過幾次後, 發覺佢兩個應該係有心的, 所以決定放棄啦, 人家第一次見都咁講, 我地無0野好講LU。
我地決定玩多一次巴斯光年遊戲, 我地去拎左FAST PASS, 再去排隊睇米奇金像獎, 呢個金像獎有米奇, 米妮, 高飛狗同唐老鴨架, 有0的係睇番佢以前的作品, 我都覺得OK好睇架, 起碼無獅子王咁悶呀。但係我見阿志訓得好?, 我諗佢實釣到大魚。睇完後, 威爺就走左啦, 佢無得玩巴斯光年, 無得睇GOLDEN MICKEY, 但係佢應該玩的都玩哂啦, 無蝕呀。
之後玩巴斯光年啦, 今次個個都好高分, 原因係壞車, 入去無幾耐就停左, 我地的太空任務要暫停, 我地當然爭取呢個時候, 係咁射, 係咁射啦, 當郁番時, 去到個隧道到, 又壞車, 開頭以為行咁的, 但原來係壞左停左車, 又係咁射, 係咁射, 呢個係拎高分的要位呀。結果, UNIQUE拎到幾十萬分, 而我都進步左, 有五萬幾分,哈。
玩完巴斯, 撘過火車, 就去左等睇亮燈儀式啦, 聖誕樹亮燈儀式無乜特, 但係入到黎梗係要睇下, 因為有飄雪效果架, 不過結果原來係肥皂泡黎的。睇完之後, 就開始我地的SHOPPING 之旅, 同雲妮班長三條友一齊行, 係咁拎哂人地D公仔呀, 帽呀, 係咁影, 影完放底, 已經好滿足啦。
行過街, 準時回到城堡看煙花, 煙花真係好靚, 在日本時無得睇, 真係好浪費, 今次真係補番數, 好靚, 真係有童話FEEL的。入夜後的迪士尼係吸引過早上的。
玩樂過後, 帶住疲倦的身軀返歸, 明天還要工作, 真係唔想返工, 經過半小時的車程, 我們又回到玩實世界啦。
@九男女遊迪士尼 (大合笑)
@迪士尼最新玩樂景點 - FIRST AID (講真, 入面幾舒服咁)
沒有留言:
發佈留言