戒指

今日無無聊聊咁去左又一城睇聖誕樹, 年年呢個都係指定動作黎的, 點都要返去行下, 話哂都係到過左咁多年聖誕, 習慣左。棵聖誕樹都係由鵝仔牌水晶贊助的, 但無第一年那時咁靚, 無咁閃。而今年我決定影低哂我去過的商場的聖誕樹作為一個紀念 ----> 無聊人做無聊事。

去完又一城, 跟手落左旺角, 行左個圈, 一來時間尚早, 二來想去搵下有冇我心水的聖誕樹買, 結果當然係空手而回啦。之後諗唔到去邊樹食飯, 就返左元朗正記打左個邊爐, 好多人, 個什錦鍋D料都不錯, 算係咁, 好過大家樂多多聲, 最咁要都算平0麻。

走時, 談起今年的聖誕禮物, 我要你估我想要乜, 講開首飾, 言談間你提到戒指係唔可以亂咁送的, 拍左咁多年拖, 我們有一對戒指是在第一年買的, 到現在都沒有換過, 而你也經常戴在手上, 我的那隻,因為怕唔見, 我放在家中。你說下一對戒指, 是會在我們的下一個階段換上, 你說得沒錯, 以前你曾送的那兩隻無聊戒指, 我都是迫你送的, 而不是一對的, 雖然說的時候還時嘻皮笑臉, 但我已甜在心頭, 因為你的想法跟我一樣。