放工, 約左肥仔去消磨下d時間, 結果選擇左去山頂, 其實係真係街都行唔到咁多個鐘, 搵d野睇下好過。其實拍左拖咁耐, 我都係第一次同佢去山頂, 唔知點解一路都無去過。同埋呢次先係我正正式式第一次去山頂, 上一次去到好大霧, 乜都睇唔到。
所以今日都係我第一次撘纜車, 好好玩, 好過癮呀。上到山頂, 咁係去左最高先啦, 雖然今日都有霧, 點都唔會好似我對上一次咁的, 我上一次係大霧到, d霧係隔離的。望番落山, 原來係咁的。影下相咁, 周圍行下, 跟住就返左落去個EA GAME CENTRE到啦, 因為剛剛開幕的關係, 打機係免費的。?邊係XBOX, 同埋PS2, XBOX D畫面真係幾靚, 同埋D公仔靚過PS, 我地就係咁玩都玩左成個鐘。
打完機就去"老襯庭"啦, 家下當然唔係咁叫啦, 但成日聽到老豆咁叫佢的。又係影下相, 周圍行下咁啦, 返到入個商場到, 仲可以同聖誕老人影相添, 其實我已經在水池那樹同佢影左架啦, 但係再見到, 又影, 嘻嘻。
撘番纜車落山都五點幾啦, 咁還樹都返左金鐘, 行下行下去返中環, 所以就去埋那個聖誕"小"填啦, 確實那個真係小填0羅, 好似舊年靚D添呀D公仔。咁0岩地, 聖誕老人又係到, 而排隊人仕又唔多, 所以又去左同聖誕老人影相LU, 哈哈, 但個聖誕老人好唔專業, 笑都唔笑下, 我走時仲FEEL到, 佢好唔想影相, 佢個心實係諗住"茂利, 咁大個人同乜鬼聖誕老人影相呀, 走啦, 阻住哂", 哈哈。
之後就撘番叮叮落番銅鑼灣飲, 炸?結婚, 即係一個四十幾歲的PK經理仔婚宴。 約左D同事七點半都未夠鐘, 所以又去左宜家行左個轉。JOIN埋D同事就上WORLD TRADE CLUB 啦, 去到見到MICHAEL叔著到比平時靚仔十倍, 點解, 因為新郎哥未放假前幾個星期前, 係咁叫我地督促佢買衫, 唔好著件四季料去接新娘, 所以阿叔佢俾我地煩到去買過哂D野, 哈哈。
好唔開心地, 要同老闆, 會計部老闆, 退休DIRECTOR, RK三個秘書, 同埋瑪姬坐同一?, 其他同事又一?, 大佬, 呢?真係無野講的, 講左一句都死。結果好悶, 我只係同瑪姬傾計, 無聊到爆。
八點幾, 簽紙儀式, 我地張?係角落頭, 基本上?上做咁乜, 我地都唔係咁睇到的, 律師叫肅靜, 但係我地都係傾咁計, 無計, 乜都睇唔到, 唔講下野, 點得, 老闆帶頭講先0既。簽完紙, 就開始食啦, 呢到D野食, 出名難食, 份量又少, 所以呢餐係我飲之中其中一餐唔飽肚返歸的, 第一次係"屯門明星" --- 超勁難食。
十一點到, 散席, 返到屋企, 倦到爆, 成日都叫佢唔好俾面我啦, 請我做乜鬼呀, 又蠢喎, 十二月咁多人結婚, 講過大話話撞左期咪唔使去0羅, 之但係咁, 可能會換來老闆的「終極黑面」,唉。
+ 邊個話杜文澤先有阿活頭, 我都整到架。
+響聖誕小填到聖誕老人影相
沒有留言:
發佈留言