早上八時在荃灣集合吃早餐, 上到巴士已經見到威爺同全全啦。美心早餐真係麻麻地, 都係大快活好。八點半起行啦, 無乜經驗的我們, 連撘巴士都可以miss左個站, 好在總站落車行番落去都唔遠0者。
一開波, 連環上斜樓梯, 沒有做熱身和不太做運動的我們, 汗流浹背, 氣喘如牛的不停, 看見隔離的師奶阿婆阿叔, 健步如飛, 很象武俠片中的高人一樣, 轉眼間不見了, 真是慚愧。
每到一個check point, 我們都停下來, 慢慢想一想我們要行的正確方向, 沿路又問下行山人士, 大部份人都說, 去深井好快咋喎, 個零鐘頭就到啦, 但明明書上寫的需要四個小時喎。原來佢地所講的, 真的行山路, 但對我們來說會比較危險, 所以還是兜下圈看看風景還好。
整條路最難行的地方, 便是途中的沙石路, 過了沙石路, 便非常好行了, 基本上都是石屎路, 還有牛屎路, 真的沿途都是牛屎, 原來附近有一個農舍, 有養牛的, 在農舍的一片草地, 全部怖滿牛屎, 非常壯觀。只是不明白, 在營地札營的人, 如何忍受到, 在營的隔離有著這些東西呢, 還要在隔離開餐喎。
過了農舍, 也代表我們開始落山了, 落山時間比預測的時間快, 因為實在很肚餓, 所以行得好快。結果我們真的用了大約四小時便完成了整個行程, 完成任務了。其實每個月這樣行下山都不錯, 呼吸下清新空氣, 個腦都無咁實呀。
返到深井, 選擇了泰國菜為我們的午餐, 間野又幾抵食喎, 我地叫到成枱野, 我們開懷大嚼, 但是全全竟然倦到食唔落, 有冇攪錯, 哈哈
沒有留言:
發佈留言