我考到啦~~~

八點, 我就到達太子等候師傅接埋我去試場考試啦, 我早左到達, 而佢又剛到, 可以早點兒上試場視察環境。與我一起考的還有一個己經有電單車牌的警察師姐, 她有電單車牌, 但是還緊張過我, 因為太有經驗, 控慢架車唔係好掂。

八點九, 我考第一個, 在車上等候考官的來臨。在過程中不斷提醒自己, 慢d慢d, 唔好急。先考泊車, 我今次真係控到好慢, 理得佢, 慢慢黎, ok左後, 出車, 要考迦蜜街, 從未自己渣入去的, 因為平時唔俾入的, 只係跟師傅入過去, 最多死車的位, 而我好好彩, 轉到入去, 無死車之餘, 仲塞車添, 所以很容易就出番路口, 等班馬線, 轉左返試場啦。


轉到巴士站, 那些有死車位的地方又無, 爽呀, 入番試場, 上次死的位, 特別小心, 要克服我的陰影, 成功轉番入去, 斜路停車, 再做埋調頭就ok啦。


返去等結果, 合格了, 我終於合格了, 我考到車牌啦~~~ 路上又多一個危險駕駛者啦, 哈哈。