迪迪畢業禮

大個仔啦, 迪迪畢業啦, 真係有點不知不覺咁, 之但係我唔會當佢大個架, 因為佢塊面實在太好摵啦, 我會繼續摵佢架。(邊有人塊面得塊皮架, 無肉的, 我咁瘦摵落去都有D肉呀, 奇人)

今日早走兩個鐘去POLY同佢影相, 今年POLY唔係紅館係賽馬綜藝館, 終於都做逐個上台俾人扑頭的儀式了, 並不是成班起身俾射登射下就算。

去到第一時間拎左佢手上的熊公仔, 係LING LING訂造俾佢的, 件袍有佢個名同埋畢業學校及年份的, 好得意的。有舅父係到, 影相速度會非常慢的, 要等佢較相機啦, 攞景等等, 但佢手上只係一部普通數碼相機架喎, 俾佢拎住部D90, 我諗企係到等佢, 等到傻左。

唔知點解, 覺得POLY的氣氛無我們以前咁好, 唔知係咪佢地地方大少少啦, 有多D位影相, 我地影黎影去都係那幾樹, 同埋周圍都係人的, 要等位影, POLY又唔使喎, 行埋去影得。真的很懷念當年HD影畢業相的日子。

最攪笑係, 話不如搵一日, 哥哥, 迪迪同埋我, 著住袍一齊影一張, 之但係我仲係邊到搵件袍返黎喎, 我又無買, 傻～～