疱疹

父親節, 去季季紅食飯, 已經覺得隻手痕, 諗住呢d粒粒, 過兩日就會好架啦, 點知, 過兩日仲痕, 係超痕, 唔停, 紅哂, d手指腫哂, 要去睇皮膚科醫生, 要食藥同埋搽藥膏。

但睇極都唔好, 兩隻手指係腫哂, 起哂一粒粒, 手板又係, 仲有水泡添, 痕到爆, 紅哂, 好難忍, 食左藥, 開始謝, 手變得好硬, 皮開始乾, 跟住甩皮, 食藥又食到我塊面狂起暗瘡, 真係好肉酸, 好唔開心。

等到佢開始謝, 就去睇舅公, 舅工話, 佢好多客都係, 醫生就話呢個係疱疹, 只會係夏天出現, 可能出年又會返黎都唔定, 最重要係唔好用咁多刺激野。

為左對手, 剩係西醫都睇左三千幾, 加埋舅公, 又千幾, 好在西醫唔使錢咋, 唔係真係幾甘, 但係得到的回報係, 家下隻手又白又滑lor, 諗得正面d, 當俾左錢去換膚美白lor。