水舞間

一直都很想看水舞間, 突然間舅母說有團去, 立即報名參加, 原本已經沒有位了, 只是有人重覆訂票, 所以才能補上。

基本上, 除了水舞間外, 沒有什麼吸引的行程, 都係澳門半天遊, 再加內地遊, 幸好, 這次去的地方我全部都未去過。

在半天遊, 旅行社派錢俾我地自己食晚餐, 我地揀左間食葡菜的, 想吃的, book唔到位, 所以係街市附近是但搵左間, 但係出奇地好吃, 真係好好食, 價錢又唔係太貴, 為百四蚊個人到。

而水舞間, 非常好看, 我們坐第二行, 真係會濕身的, 就係會濕身, 先看得投入, d演員不停咁係我地前方出現, 好近好近, 真係可以摸到佢地, 坐後邊的, 可能可以看到全個場地環境, 但佢地沒有濕身, 未必會咁好睇, 同埋我地係最後一批用$380價錢看這個位置了, 過多兩日就加價到$680了。

是晚住宿就麻麻地啦, 因為太夜, 無返中山住, 係珠海住左一晚石景山莊, 三十年前的酒店, 房間確實麻麻。

第二日就去左參觀仙人掌園同埋十九涌, 一個賣海味的地方, 行完街就去左食飯, 望住個日落食飯, 一樂也, 而呢餐飯又係唔錯呢, 雖然係戶外食, 而只係食農家菜, 別有一番風味。