瘜肉

之前見d姨媽未到, 所以去睇下醫生順便body check埋啦, 點知醫生話我子宮頸有粒瘜肉喎, 佢解釋俾我知, 呢d瘜肉一定係良性的, 但最好都切左佢啦, 因為可能有左bb 時, 會突然間流血, 咪以為小產, 嚇餐死lor。又話最好去醫院做啦, 你公司claim到的, 咁唔喜歡診所做都得, 咁咁咁, 問佢幾多錢, 又唔肯講, 又話睇公司批幾多, 但我記得係俾收據claim就得架麻, 不過佢都叫我諗下先。要做都等姨媽黎左先。

跟住返公司問下美女, 佢話唔使等我地批架喎, 你拎單返黎就得, 佢都建議我睇多個醫生問下先, 呢d手術好簡單架咋, 佢亦介紹左另一個醫生俾我。

咁都諗住等姨媽黎左先啦, 咁有人同舅母飲茶, 講開, 佢話佢以前睇栢麗有個醫生都幾好, 咁我諗還樹都要自己俾錢lor, 咁不如搵個近近地啦, 有乜事返屋企都快呀。

今日終於去左睇啦, 講哂個故仔俾醫生聽, 跟住醫生問我, 佢係咪叫你入院割咁呀, 我話係呀, 那一刻好有d見到相事, 跟住講中哂d野, 那種感覺。跟住醫生又解釋俾我知, 其實細過1cm, 係診所做得架啦, 好簡單的, 扭兩扭就甩架啦, 連埋化驗都係千零蚊。

跟住同我做檢查, 我都feel到佢係到搵, 但搵極都唔到, 佢話無喎, 兩個可能, 一係佢縮返入去, 我睇唔到, 二係可能自己甩左出黎, 佢跟住好好笑話, 你慳番千幾蚊啦, 我想做都無得做。

那一刻即係鬆哂, 困擾我多時的問題, 終於解決左咁, 雖然唔知係咪真係無, 但係當無架啦, 醫生都搵唔到, 真係生仔先算啦。