澳門NBA半天遊

知道澳門會有老將NBA表演賽後, 肥肥便讓著要看, 之但係一改再改, 遲遲又唔賣飛, 突然間係兩個星期前先賣飛, 立即上網購買, 再拿拿聲訂埋船飛, 就於今日出發啦。

行程已經無, 但無諗到咁趕囉。十一點船, 咁過到去都只不過係十二點, 但"乙水"仔呢個碼頭, 真係做一班船咁大把, 人手極少, 加埋澳門人做野又慢, 我地又排排下發覺有得做E-道, 咁又轉太, 攪下攪下, 成兩點先真係踏足到澳門。

先黎去勝記食個豬扒包先, 因為好味麻, 但經過多年後的今天, 都開始麻麻地LU。之後行返去大三巴, 諗住多年無黎, 影番幅相啦, 點知踏入左那條街, 真係好似行花市咁, 多人到爆, 跟住諗住幫舅母排蛋餅啦, 又好多人, 而間舖頭平均年齡我諗五十到啦, 係俾個仔拉低左咋, 其他三個起碼七十過外。就係呢個蛋餅, 浪費左我好多時間, 排到去又只可以散買, 無盒裝啦, 盒裝要訂喎, 唔會再有下次LOR。

跟住我地就係澳門街頭跑啦, 因為我地要食豆腐花, 好彩呢間識路, 好快搵到有得食, 仲好彩係, 仍然都係咁滑, 開心哂。之後就跑去買手信啦, 是但搵間無乜人的咀香園, 買買買就算, 跟住又要快步去番葡京撘車再轉車返威尼斯人, 返到去都五點幾啦, 諗住食少少野, 食埋個包都差唔多六點, 夠鐘開SHOW LU。

入場後, 已經見到D球員係到練緊波, 由於我係唔識的, 所以都唔知睇乜, 但唔緊要, 當普通波睇囉。

除左個過程係慢左D之外, 我諗都算OK啦, D後生D的球員入樽真係好睇架。

看完SHOW還尚早, 但係又唔上唔落咁, 去唔到GALAXY行下, 又只係係FOOD COURT 食左個唔好食的飯, 跟住又要撘車去碼頭啦, 當然係超多人啦, 星期日真係唔好去澳門, 真係實在太多人啦。