無奈

原來已經三年無郁過呢到啦, 過去三年都為樂樂而奔波, 開心, 有時有啦, 唔開心大把, 只是沒有時間慢慢記載。

無啦啦又點解再郁返呢個BLOG, 在無人可以同我傾訴下, 我想我要用文字來宣洩一下。

從小到大, 重男輕女一事, 在數年前, 我以為我已經放開了, 但隨著有嫂同晴晴的加入, 這種感覺不期然再增加了。

自從樂樂由媽接手湊都差唔多三年了, 三年來, 怨恨沒有放下過, 我老爺奶奶, 我已經無視佢地, 他家事, 與我無關, 心死了。但媽呢, 無時無刻都提著, 放不開的是她, 我其實真係好憎佢成日都提, 佢兩老係生係死, 關我差事, 成日都提住佢地就好啦, 唔使湊, 邊有人做阿嫲阿爺做得咁舒服呀。但佢又無諗返轉頭, 佢有仔女孫新抱, 平時咪又係孤零零兩條友你眼望我望, 想見下都無, 其實媽也太幸福了。

自從上次同佢鬧交之後, 我已經每事忍, 可以忍的我都忍, 但永遠佢都會變本家厲, 借題發揮。好似尋日咁, 我明明無踩親佢條尾, 但由佢入屋嗰一刻開始, 我知道今天應該不好過。無啦啦又俾人鬧, 我忍, 自己係到喊算, 唔出聲, 成日話我臭脾氣, 臭脾氣是如何型成的, 從小培養, 由誰, 她自己知吧。

連樂樂咁細都好似知道做咩咁, 佢成日口講話我老爺奶奶要氹孫, 唔氹又如何, 佢自己呢, 成日話樂樂唔鐘意佢, 總有原因的, 成日話佢, 一係就兇佢唔要佢, 叫佢返山景村, 好多野有因必有果。樂樂其實行緊我以前既路, 我沒有辦法, 唯有死忍。

我曾經覺得我自己係寄人離下, 大左感覺無左, 但現在這種感覺再次出現了, 為左樂樂, 我忍, 你點鬧我都好, 我忍, 我唔想樂樂再做人球, 無人要佢。

幸好, 湊晴晴個姨姨好好, 唔係的話, 我們一家更慘, 成日話自己無偏心, 買野俾晴晴就有埋樂樂份, 其實都係怕我話佢咋麻, 而家攪到好多野我都乞返黎咁。算啦, 我唔確定我份工仲可以隱定幾耐, 所以我要忍, 有得玩就玩, 有得食就食。