不快

這個星期又開始唔開心, 樂樂又開始作反, 而我家兩老又開始一滿, 我唔知呢個遊戲幾時玩完, 但我做到的只可以忍。其實我明知因由, 但無奈我無法解決, 我都想逃避, 我好羡慕人地D父母可以好有心機咁湊個孫, 不論外孫或內孫, 點解我個時常都要投訴。

好多因素令到而家的局面變為這樣, 首先就係在不願意都情況下湊孫, 都三年啦, 都係未放得低。第二個因素係呢個係外孫, 因為唔同姓, 個分別真係咁大? 佢地成日都俾到好多hard feeling 我, 嗰次用黎形容麥生個孫, 係用自己嗰個, 即係個仔生嗰個, 嗰下真係入心入肺, 真係咁大分別? 樂樂硬頸, 呢期就用都唔知佢地D咩種黎架, 生到咁。

我真係好唔開心, 點解要咁樣樣講野。

其實我都好羡慕人地可以生兩個, 因為佢地有人願意湊, 經濟又許可, 成日都俾人問, 生唔生多個, 我都係話揾鬼湊咩, 佢兩老恨不得掉左樂樂出街, 湊返晴晴。

其實我好辛苦, 日日返到屋企就要聽埋D咁既說話。

所以我而家每次唔開心, 就記住肥肥同我講既說話, 我是多出黎架, 我而家真係覺得佢講得好啱, 但無奈我要接受。