身心疲累

在公司面對著一個無理的上司, 在家中面對著兩個無理的公公及兒子。

尋日肥帶左樂樂去D PARK, 難得佢放假又報到唔使錢玩下, 咁緊係去試下, 我已經一早講左帶佢去玩, 點知, 返到黎入屋, 已經黑哂口面既公公坐係到, 已經話去到咁夜先返, 聽朝又唔願返學, 又攪到佢。其實0個時只係8點, 同平時無咩唔同, 只係去左陣街, 玩樂時間都係個半小時, 同係公司玩無分別, 只係多左個車程啫。都早左食飯, 早左訓覺。

結果今朝個衰仔又唔生性, 唔肯起身, 話要請假, 婆婆打黎求救, 公公唔理, 阿婆攪唔掂佢。跟住公公出手又係到鬧鬧鬧。

係我角度, 我覺得帶個仔去玩下, 有咩問題, 但個結果俾我預期差好多, 扭計平時都有, 只係多左個借口俾人鬧。呢期老豆都係咁, 都唔知踩親佢邊條尾。

結論係, 以後帶仔出街玩, 第二朝要請假同佢返學, 咁即係唔使去玩囉。

其實呢期我都覺得老豆好多好無理既行為, 但....我唔會屈服, 我唔會放棄。