痛心

自從有左樂樂之後, 媽令我痛心的說話, 多到不能盡錄, 其實從細都不小, 最印象心印的, 便是在小學時行過鞋舖想買鞋, 望住對鐘意既鞋, 講左句, 我想買, 點知就俾佢一句得埋黎, 我唔鐘意買俾你喎, 嗰時個心灰到呢, 到現在那個心情同那個情境我還歷歷在目。

最近又有痛心的說話, 就係我諗住佢咁灰, 咁演唱會飛氹下佢啦, 請佢同舅母睇, 當生日禮物啦, 之前佢已經問過邊個俾錢, 我都講左我俾左啦。到D飛黎左, 再問, 仲要加句, 你哥有無份俾, 如果有, 我俾返錢。嗰刻個心真係實哂, 咁即係咩意思呀, 我請你睇, 你仲要咁講, 點解我俾錢無人會俾返我, 哥俾錢就會俾返佢。用哭不出來, 應該用黎形容嗰刻心情最貼切。

到尋晚, 大少痾濕左條褲, 都係諗住揾條褲俾佢啫, 揾左條短既, 就話咁短, 入邊咪仲有囉, 我話一係厚到死, 一係就薄。 你點做人阿媽架, 成日去街都唔買褲, 嗰野我真係發老脾, 我話我去街, 唔一定會行到有褲買既地方, 我去親都係玩具舖, 而家買條褲咁易咩, 條條都毛, 點買。佢即刻無聲出行左出去。講真堅嬲, 唔通你新抱就識做人阿媽, 你個女就唔識。