內疚、心痛

今晚肥肥打左樂樂一巴，嗰刻我真係嚇一嚇，個心真係好痛，眼淚不期然地流落黎。

事緣大少今日又無禮貌咁對婆婆呼喝，又被投訴。當我心平氣和同大少講道理時，條友不停話我唔鐘意婆婆，所以無禮貌，其實當時我都無乜野，又聲淚俱下咁同樂樂講左一輪大道理。

其實講真，好雙向，你無愛俾個小朋友，佢又如何尊重你呢？因為婆婆成日鬧人，所以唔鐘意佢。呢樣野，媽媽都幫唔到，因為此乃由媽媽出生那一刻，我便不被喜歡，所以唔鐘意埋樂樂，我真係覺得對唔住個仔。

大人脾氣，小朋友都會感受到的。婆婆又話樂樂miu 佢，當我看到，媽講完佢再入廚房嗰個咀臉，我明哂，佢咪又係咁怒視佢。這張白紙全吸收哂佢兩老的行為，咁夠竟是我兒子錯，還是大人錯？ 每次有什麼曳野，總會鬧埋人地種族，根，其實很難聽，我返左工，你估無更多是非聽咩，大少點會唔明。

當肥打左嗰巴，我眼淚直流，表達我的心痛，樂樂即收聲，即係佢明白啦，所以好多野反叛是有原因的。大人脾氣，現全部發洩哂係小朋友身上吧了。

樂樂開始大，我諗再面對婆婆既投訴，我要處之泰然，一方面講道理，一方面發覺原來我都唔緊張，再投訴都無用，希望會好點。