好日子

唔知講開咩, 好明顯專登又揾位食, 無啦啦俾人潤左
是日金句, 你個仔出世到而家4歲半, 我無一日好日子過過。

媽, 我真係好想回你一句, 我37歲人, 應該都只係得7年係過過好日子。

好日子每人定義唔同, 我的好日子定義係, 乖, 唔好行差踏錯俾人鬧, 安安樂樂, 唔好嘈屎把閉, 那便是我的好日子。

而我又唔明, 你的好日子是什麼, 每年有旅行去, 點都叫做有假放, 你自己係要做而唔放, 你講要乜, 就已經有, 口講呢樣唔好嗰樣唔好, 咪又係百彈齋主一個。

最好笑係你自己都講, 我細個時, 哥不會同我爭玩具, 乜都讓我, 縱到我咁任性。但你又補一句話, 嗰時哥就大D, 我心諗係大好多囉, 7 年, 而家樂樂同晴晴差年半架咋, 點會唔爭呀, 痴線, 總知有位就會去抬舉哥哥, 有位就去踩低我啦。

講真夠竟我出世前, 或者細個時, 有咩發生過而令你咁死憎我呢....

心淡...