一家人

尋晚樂樂咳, 無返龍門居食飯, 其實一聽到佢咳第一個念頭就唔好返去, 氹左佢好耐先肯唔返去食, 叫佢第二朝先返去就唔肯。

食完飯返到去, 樂樂好乖咁第一時間無講野衝左入房, 後尾先記起無除鞋, 除完鞋就入房, 訓覺時問返佢, 佢話媽媽話要入房, 我先醒起同佢講過, 就算見到晴晴都要返房, 當刻真係覺得樂樂好乖好生性。但之後換好衫出返去, 晴晴佢地就雞咁腳走啦, 其實個感覺都不好受, 真係覺得樂樂有傳染病咁, 不明白, 點解要咁對佢。

之後樂樂帶返個口罩, 就以為可以同晴晴玩, 但晴晴要走, 就扭計喊啦, 其實佢應該係以為帶左口罩就可以玩, 佢真係好唔開心, 好在後尾我地一齊玩搖控車, 開心返。

其實尋晚一返到去, 除左呢個不好的感覺外, 仲有另一個不開心, 入屋眼見既係一家人, 而我就係外人, 佢地好開心咁, 老豆阿媽又好開心咁, 三代同堂。但我地一返到黎, 就好似踼走哂歡樂,
回歸打仗嘈嘈閉日子咁, 好在老豆抱住朗朗時嗰種笑, 我都曾經係佢抱住樂樂時見過啫, 否則, 難受感更重。

我而家成日都諗, 我係咪應該退落黎, 不存在感越來越強烈, 兩年, 忍多兩年, 希望好多。