Tortoise's Story Book: 2005秋季釣魚王大賽

今日係國慶日, 亦是我們的2005秋季釣魚王大賽舉行的日子, 參賽包括: 班長, Astley, Unique, 威爺, Doris, Raina及在下。所以晨早八時十五分, 睡眼惺忪咁爬起身, 準備行裝出發。約?威爺, 班長在我屋企留下買物資, 買過物資後, 我們就乘車出發。我很怕遲到, 因為今日係我地同新朋友的第一次正式約會, 唔想失禮人, 好在小巴司機技術精湛, 加上路路暢通, 我們如無意地外地在十時準時到達大埔墟火車站。由於係同新朋友約會的關係, 我們都大為緊張, 因我們要發揮"兄弟, 做0野"的精神。

當會合Doris及Raina後, 我們都係去最"老黎"的好好粥麵食早餐, (如果有下次的話, 我希望可以轉一轉)。食過早餐後, 繼續買埋未買的物資, 大約十一半, 我們再乘小巴往比賽地點進發。當到達後, 我感到她們的緊張, 因為我第一次落船都好緊張, 哈。

到達後, 人已很多, 找到有利位置後, 威爺就開始為我們準備釣魚用具。開始時, 我們都係不停咁釣到手指魚, 到後期終於開始有泥蜢上釣, 好過無啦。由於馬太去了飲的關係, 我們沒有麵食, 要由馬生代為叫外買。

整過過程, 我地和doris同raina係咁傾計, 問左佢地好多問題, 佢地又真係好認真咁答喎, 好攪笑, 氣氛勁和諧, 我們不停咁扮傻仔, 等新朋友覺得威爺係在我們當中最正常的, 我地好用心良苦架, 我地其實好正常架0麻。

後來, 當有0的釣魚郎走左後, 我同unique就去?第二個位垂釣, 其實我地真係諗住搵過個位釣魚架咋, 無諗過係走開等佢地相處下, 但係班長好醒咁過埋黎, 而astley就負責招呼raina及doris, 而威爺就繼續撐住個場啦, 哈。但在呢個過程?面, 全日的高潮位就出現啦, 呢0的住咁係即係取機出黎拍低呢個有身體接觸的重要時刻, 由於去程來得太快, 只拍到相, 返來就有足夠的時間俾我準備拍攝, 借助班長的角度, 成功咁拍到一段好令人回味的片斷, yeah!!而我們都發生左命案, 因為我用了布解魚?的關係, unique又釣到魚兼甩埋?, 情急下用腳踩住條魚, 之後我地發覺, 條魚踩死?啦, 現場仲留下一灘血績, 而我們亦有拍下照片作為呈堂證供。

六時許, 天已開始黑, 我們收拾行裝回程, 魚不多, 但我同doris 都叫做釣到大少少的魚, 而魚獲我們就決定放棄唔拎走。今次我地去了明星海鮮酒家打邊爐。席間決定返屯門睇12:20am童夢奇緣。

飯後, 拿拿林回家沖涼, 極速地用左十分鐘沖涼, 但沖完涼後, 有時間上網看一看時間表, 點知俾我發覺無12:20am的一場, 立即就打電話去問問, 個哥哥仔仲同我講話: "小姐, 我地最後一場係11:20am, 都開左場十分鐘架啦"。噢, 好低能呀, 即刻打俾astley, 結果因為威爺要預備明天與doris約會要收皮下, 這個行程取消, 好灰, 同好"火羅"。