我們的演唱會

今日終於等到草蜢"我們的演唱會"舉行的大日子, 等?幾個月, 終於有得睇, 勁開心, 晏晝食完飯, 就懷著愉快的心情等待夜晚的來臨。

整個演唱會, 我真係用唔到任何文字去形容, 我只識講, 好正, 真係好正。阿細跳舞好勁, 蔡一傑好妖, 蔡一智又係咁啦, 但當三個人好合拍一齊跳的時候, 真係會令到你發哂顛, 勁叫。

快歌, 慢歌都是我的心頭好, 因為草蜢真係伴住我成長, 記得一首"世界會變得很美", 係寫紀念冊必用的歌詞。記得一首"朋友", 讀書時音樂比賽必有的歌。記得一首"忘情森巴舞", 係我好喜歡的老土舞步。記得...好多記得...

好耐無見過一個演唱會, 坐四百的人係企全場的。好耐無見過一個演唱會, 可以吸引全場人站起身一起跳, 一起叫。好耐無見過一個演唱會, 係可以咁牽動起觀眾的情緒。好耐無見過自己咁叫過, 好耐無試過咁跳過, 好耐無試過叫完咁舒服。

題外話 : 威爺在巴士的一句「情心金堅」, 真係殺死我, 佢0的愛情滋潤真係浸得死人啦。