今日老板整親條腰無返工, 整天都是懶洋洋咁過, 加埋條茂利響到眼啤啤, 一樂也。。
晏晝同班同事出去飲茶, 慶賀各大十月(上半月)之星, 一行十六人飲茶, 場面虛陷。其實每次飲茶場面都會好虛陷的, 每次例必十人以上, 點心籠一定過到望唔到對面, 不過咁都幾開心呀, 每次都好多好笑0野聽。。
而下午, 竟然俾我地屈到一個極孤寒的劉米高先生請食雪糕, 簡直十年唔逢一潤的奇蹟呀。佢一話俾錢, 拿拿林拎name list落街買, 咁大個人都未試過一次過買十六杯新地雪糕架, 好在出lift時, 見到kelvin同事 (全部門最好的同事), 俾我拉埋去幫手拎, 否則一個人拎都拎唔哂。。
明天就係普通話的中期試, 溫書, 星期日叫做睇過下啦, 尋日都拎過下黎睇, 但係十五分鐘內就放低左lu, 真係無心機溫, 我都係決定打天才波。用有限的知識去答唔知的問題。。
其實都唔係好明, 學普通話明明老師成日話, 多聽多講多練習, 點解要人學韻母喎, 仲要學埋複韻母, 撞鬼咩, 望住都讀唔正啦, 仲叫我寫。唉!!!
沒有留言:
發佈留言