國慶日

今日原本諗住去深圳華僑城行下的, 但係哥哥要做司機車各人入去大埔探阿婆, 結果無去到。

十一點幾起身, 無無聊聊咁係到睇電視, 之後同哥哥去左食野, 再返黎睇"真情", 呢套野雖然有d老土, 但又幾好睇喎。

跟住打機, 去到六點到出發lu, 先去澤豐, 後入天水圍再去大埔, 真係路途遙遠呀。

今日婆婆精神不太好, 我們去到時, 她已經食完飯, 睡了, 今天她要用那條貓鬚, 手也被套著, 防她自行拔去那條貓鬚。我們沒有嘈睡她, 因為嘈她也會不醒的, 幫她洗面都唔醒, 好勁的。

看過婆婆後, 就返元朗食飯了, 今天吃日本菜, 正確來說是大碟夾抵食的港式日本菜。呢間野叫做千之壽, 佢地野大件得驚人, 同田中差不多。那碗蟹籽沙律, 湯碗咁大, 足夠七個人食有餘。還未夠爆, 最爆的是那兩件蟹子壽司, 上枱時, 根本見不到那兩件壽司在那, 只見到有團黑色的紫菜被一大堆蟹籽包圍住, 那堆蟹籽, 我想足夠在普通的壽司店裏做多起碼六件壽司。秋刀魚前擘咁大條, 那些三文魚, 迪迪形容為百潔布咁厚。一碟炸雞軟骨, 等於人地兩碟咁多, 而炸軟殼蟹, 等同人地三碟有多, 那碟天婦羅size最正常, 但係都比別人多一倍。

間野唔算叫做好食, 但又唔係難食, 係d 野實在太大碟啦, 食兩件壽司等於我平時食飯的份量, 己經半飽, 如果兩個人去根本叫唔到野食, 仲會食唔哂添, 我見我隔離枱那兩個女仔, 叫左六件壽司, 一個金菇牛肉卷 (四件為一碟再加一大堆粟米, 那堆卷, 等同普通的兩倍, 即係可以做到人地八件), 一碟雞軟骨, 見佢兩個食到一半就已經呆左啦。

而我地, 因為哥哥佢地黎食過, 知道個情況, 我們就住黎叫, 唔夠食先再叫, 免浪費食物, 他們說手卷一樣咁大件, 叫我唔好叫, 一件已經可以ko我。雖然佢d野咁大碟, 但價錢不太貴的, 我們七個人叫到成枱野, 加上抬住個肚走, 都係六百幾蚊埋單, 算係咁啦。