義工

肥仔公司要交人做義工, 可以帶埋朋友家屬去, 所以今日就跟左佢去做義工, 探訪獨居老人。

先到佢公司集合, 再徒步那間"聖雅閣"社區中心, 間中心好大架, 有水療, 有spa的, 成棟樓都係佢的, 十幾層樓。

跟住聽個負責人講, 今次的目的係乜, 要做d乜咁, 一聽到d老人家住的範圍好廣, 可能要去到大坑, 嘩, 眼都突埋, 大坑, 去都未去過, 乜唔係高尚住宅區黎架0麻。幸好, 結果被分配的兩位婆婆都在駱克道。

一路以來, 聽到要去探訪獨居老人, 她們的生活會很刻苦的, 屋企應該很簡陋的, 但係今次兩個被探訪的婆婆剛好相反, 企理, 生活平淡, 絕不艱苦。

黃婆婆, 90歲, 有個女, 勁好中氣, 皮光肉滑, 除左係有骨質梳鬆,腳痛行路不好, 其他點睇都唔似90歲, 佢仲有菲傭照僱, 屋企企理乾淨, 佢仲係好精神, 頭腦還很清醒的。

鐘婆婆, 83歲, 獨身, 又係好中氣, 點睇都唔似八十幾, 又係痛腳, 但總算還可以自己照顧自己, 可以去買餸, 自己煮飯食, 做家務, 朝早去晨運兩個小時, 她有白內障, 但係佢剛做了手術, 眼可看東西了。雖然她是一個人住, 但屋企又係好企理乾淨, 佢精神又係好好, 頭腦又係清醒, 還有錢在私家醫生做手術, 而不用在政府排期。

原來獨居老人, 並不是每個人都那麼艱苦的, 同一天空下, 大家享受著同一資源, 但礙於分配不平均, 做就了貧富懸殊, 我想如果我不是在探訪灣仔的老人, 而在深水埗的老人, 又會是另一番景象。