血拼

吉吉島大減價, 目標並不是裏邊的家品, 電器, 衫, 而是超級市場。明天打邊爐, 為令媽媽明天唔使一個人拎咁多野, 今日買得幾多得幾多, 帶埋肥仔呢個古哩去拎, 得啦掛。

但係等待肥仔裝身出門期間, 我與媽媽就血拼了, 因為好多地方都減價, 唔覺意地都買左兩件衫, 哥哥爸爸都有, 好在減價野, 唔係用正價的話, 我想都買左成千蚊野, 呵呵。

去到超級市場, 勁多人, 好似唔使錢咁, 大部份人都係買打邊爐的食物, 又或是比較貴價的食品, 折上折喎, 確實好吸引。我地就買左d所需物資後, 最重要的係一定要買的柚子清酒啦, 舅父叫一定要買黎試下喎, 蘇絲黃介紹過喎, 結果去到試飲, 又真係好好飲喎, 完全無酒味, 不過你飲多兩啖包上腦, 因為酒精濃度為12度, 等於紅酒咁, 那個人又介紹, 加少少sake落去, 有番d酒味都唔錯架, 又試, 又好香, 好好飲喎, 結果, 我兩未都買哂, 咪一袋二袋咁拎番屋企lor。