海洋公園 - hohoho

今日又去海洋公園, 無錯係又去, 今年都去左兩三次啦好似, 但今次係唔使錢的, 因為公司贊助癌症基金今晚的活動有飛抽, 而我又好奸咁, 入埋唔去d同事的名去抽, 結果想去的同事, 全部唔中, 唔會去的同事全部中, 所以我就將d飛分左去啦, 呵。

放工後, 等埋肥仔, 先去會展看個展覽搜集資料, 這類型的展覽從未去過, 入到去, 咁係係咁俾人capture啦, 係天橋已經capture咁啦, 何況入到去。入到去, 只有兩間公司提供到我所需要的資料, 但係全不合乎我的心水, 我想又要等出年再看了。

看完展覽, 行番去撘車, 其間見到火燭, 有人想註足觀看, 結果一看便是幾個字。之後落到金鐘, 就撘車去海洋公園啦。好在係架車到訓左陣, 精神哂。

六點到去到門口, 嘩超勁多自由人散水呀, 個滿口塞滿哂人, 而我地又決定看大熊貓先喎, 所以又去番出口到撘巴士過對面山啦, 怕行番入去撘纜車, 唔夠時間返出黎看冰上百老匯啦。樂樂盈盈超勁得意呀, 好鬼活躍, 周圍行, 仲表演左痾屎屎俾大家睇添。

六點半, 由拿拿林跑番去門口撘番巴士過返去大樹灣那邊啦, 過到去七點, 七點半先開始的show, 已經截左人龍喎, 攪錯, 好鬼少人咋喎, 結果我去左個廁廁後, 肥仔話d人係咁就爬入去, 見到d人入哂去後, 突然又話有位放多批人入去, 我咁係拿拿林閃入去啦, 我最想睇係呢個0麻。結果無令我失望, 個show不錯, 很少在香港看到溜冰跳舞的。

原來今天仲要係ho hoho第一日開始, 搵埋鄭秀文黎剪彩, 基本上係可以近距離咁睇佢的, 但我派左我的特約記者肥仔, 混入左去記者席到影相, 而我坐定定啦, 咁鬼倦。

看完show後, 就排隊看冰雕啦, 排左成個鐘頭呀。裏邊超凍, 佢件羽絨好靚架, 係pro-xxxx牌子贊助的, 可能今日係第一日, 件衫仲好新, 同埋隻色好靚架, 呵~~。睇完冰雕, 就出番去搵聖誕老人影相啦, 但係聖誕老人同埋精靈姐姐好明顯已經做到想死咁, 動作, 眼神, 笑容都硬哂。

睇完就撘番車出金鐘, 再落左灣仔食飯, 跟住就返屋企啦, 太倦了, 唔識落車, 到左總站, 要司機叔叔叫醒落車, 好在我屋企就係總站啫, 哈哈。