除夕夜

今日返工, 確實有想死的感覺, 天氣好涷, 唔係有暖氣, 確實好難頂, 因我屋企向東北的。揭開被的一剎那未想死, 因還在暖氣當中, 但一開門, 涷到變左彊屍。

落到街, 成條街無人, 學生唔使返學, 返工的又好多人請左假, 條街的人遼遼可數, 連晨運友都少埋, 可能涷掛。條街暢通無阻, 好頭好尾無遲到。

響公司, 無心做野, 但又要做喎, hea下hea下食lunch, 但唔知點解, 預備數爐時, 又總會有d野發的的, 幸好, 四點半準時鬆人。極速搵村巴撘離開港島區範圍, 返到屋企唔夠六點, 爽。

等齊人都成八點開始打邊爐lor, 食完都係十點到, 咁係wii fit啦, 超好玩, 整哂每個人的樣落去, 超攪笑, 我d舅父玩時, 又笑死我, 最肥的, 竟然都扭到呼拉圈, 同埋玩咩都最高分添。

十一時許, 準備倒數, 國金煙火好靚, 但在現場我想很難看見的了, 人太多, 又不是向高空發展。

其實我時常都覺得, 新曆新年只是在寫年份時, 年份不同吧了, 始終農曆新年先係新一年的開始, 因為起碼要放個長假期休息下。

後來我發覺, 原來各人在家hea, 都想不到去那, 也不會去人太多的地方, 或者出年, 我們應該攪番個活動, 等大家有d細藝, 唔使咁悶啦。

願各人身體健康, 這才是我們的財富。