新的一年

新一年, 新開始, 仍然係中午才起來, 無法啦, 睇台劇睇到四點。吃過昨晚剩下來的物資煮的米粉, 就繼續呆坐看電視啦, 睇睇下, 迪迪訓醒又話過黎打機喎, ok等佢。係等的時候, 我就去左執衫啦, 執左好大袋舊衫出黎俾救世軍, 又可以繼續買新的了。等哥哥買埋個箱返黎, 再執埋棵聖誕樹, 開心哂。

又係時候回顧下舊年的願望:

1. 加薪, 多多dddddd (加幅還算ok, 我人工低, 個%加得算高的)
2. 回鄉探親之旅順行舉行 (超順行舉行, 仲玩得好開心)
3. 十周年旅行攪得成 (關島算唔算呢, 雖然唔齊人, 但好開心, 好好玩)
4. 希望同到老豆老媽子飛去旅行 (結果無做到, 諗住一月去的, 但媽媽請唔到假)
5. 儲多d錢 (我真係有做到架, 但多唔多, 見人見智啦)

舊年, 經歷了, 生'、病、死。鄭小姐bb出世, 婆婆出入醫院, 公公去世。公公的離開, 反而造就了整家人的團結, 現在媽媽與舅父母的關係, 比以前更緊密, 尤其是泉舅父, 他經歷了離婚, 公公離開, 或者對他來說, 比以前更懂得珍惜, 再加上我, 哥哥, 表弟的推欄, 更加緊密。婆婆由年中打後, 進出醫院, 情況時好時壞, 到現在的今天, 仍不肯自行進食, 靠插喉餵食, 但她的腦海開始清醒, 當護士不綁著她的手, 她便會將喉拔掉, 我們猜估她厭世, 但沒有辦法, 香港沒有安樂死的, 她也不能自我決定, 所以我們不能看見她不進食, 就由她自己了斷的, 沒有辦法下, 插喉餵食, 是唯一可行的辦法。

年中, 歐陽氏在關島結婚, 有幸到那裏祝賀, 還給我們帶來了很開心的四天, 很感謝他們帶給我的歡樂, 到現在, 有時我還會在回味那四天的時光, 很想再去。鄭小姐, 結婚剛夠一年, 小bb已經出世了, 很羡慕她, 我還比她緊張, 因為到預產期那天還未生得, 幸好在隔天便生了, bb的喊聲還真大呢。舊年開始踏足的股票市場, 埋單計一計, 總算賺的, 雖然還有兩隻跌咁的股票, 但一天不離場, 我還未算輸的, 當儲了錢吧。

回想過去, 舊年的一整年真的很快地過去, 開心唔開心都經歷了, 開始為自己將來打算, 置業結婚生仔, 希望在未來這數年間續一實行。今年的新年願望如下:

1. 加多d人工
2. bonus多d
3. 手上跌的股票升, 升的股票再升
4. 儲錢
5. 與爸爸媽媽哥哥一起去旅行
6. 考車
7. 結婚生仔

願各人身體健康