出發了

明天便出發去台灣了, 行程表都係今日放工返黎砌埋個final version, 晚上七點攪掂, 又或是邊行邊改吧。其實台灣之旅係由泰國之旅演變出來的, 本身我係想去泰國的 (每年身痕之作), 之但係細那兩個話貴, 同埋只得shopping, 再加上媽媽無假期, 那不如去台灣啦, 就出現左呢次咁早的台北行啦。

整個旅程沒有太大的期望, 可能這個地方已經去過, 上次的經歷仲要係麻麻地那隻, 但經過八年後, 台灣會否己經改變呢?

當揭著旅遊書時, 確實與揭著一本日本的旅遊書無異, 似乎台灣與日本的距離實在太近啦, 又曾被統治過, 所以好多野都好相似, 我想除左街邊檔啦。

今次的旅腳沒有了肥肥 (其實係佢今年唔得閒陪我遠遊, 我要搵過其他旅腳咋, 如有朋友想邀旅腳, 可考慮下我架, 男女唔拘, 我飢不擇食的, 呵呵)。 我夠竟會否被哥哥激死而大發脾四離團呢? 我又會否被哥哥悶死, 而決定掉低埋兩個細的, 叫佢地自生自滅呢? 但我係導遊加領隊喎, 整個行程都係我諗架喎, 無人知佢地下一個目的地去邊樹架喎, 佢地連張行程表都未收到架喎.....夠竟自由行, 盲摸摸, 會唔會見到好多新奇古怪事物呢, 會唔會遇人不淑呢, 又會唔會遇著好人呢, 會唔會有咩驚驗野呢?

算吧, 早點兒睡吧, 明天八時要起身啦。