鳯bb

今日終於約到去探鳯bb啦, 等左個半月終於見到佢啦。

BB好乖, 好可愛, 我地上到去時佢飲咁奶呀, 差D飲完, 但見到我地就八八掛掛咁, 我行埋去, 佢又飲多兩啖, 跟住大少就叫我企係到啦, 等佢飲多D。而大叔個女TOTO行埋佢, 叫佢跟住走去玩, BB就拎哂個頭跟住佢的方向啦, 好攪笑的。

本來我都唔敢抱D咁細個的BB的, 但係見佢實實淨淨咁, 都係忍唔住話要抱下先, 真係好實淨呀, 唔似TOTO個時林PAT PAT的, 佢好好抱呀, 我抱佢又唔喊, 我仲當左佢好似公仔咁左抱下右抱下, 實淨到不得了, 完全唔似個半月大的BB。

佢D手仔腳仔好有力架, 可以將佢企係到, 佢可以撐到好行的, 你俾隻手指佢, 捉到你實一實, 要等一陣, 等佢自己放開先拎得番隻手指架。可能佢足哂月出世的關係啦, 所以吸夠哂足夠營養。

到我地走時, 佢想喊呀, 我見佢縐眉, 我"噓"佢叫佢唔好喊, 佢真係鬆番對眉仔喎, 佢又縐, 我又噓佢, 佢又真係聽喎, 佢老豆試下好似我咁, 但唔得, 好攪笑。

走時, 大少仲放佢係地下, 企係到同我地講BYE BYE, 佢真係好似企到咁架, 實淨仔真係好可愛呀~~

+做乜好似咁驚咁喎, 姐姐當左你公仔咁咋0麻, 呵~