走水貨

奇華每年新年蛋卷特價, 基本上我媽都會入貨的, 但今年入得特別顛, 今日放工派左我同哥哥去買。

去到實係好多人啦, 一路排隊俾錢, 一路落單, 個姐姐走埋黎落單時, 問我幾多罐, 我話十罐大原味的, 佢跟住問左兩次, 十罐呀, 我話係呀, 跟住同哥哥望下, 人地一箱都係十二罐咋喎, 佢會唔會拆箱俾我地呢。

結果咁係無啦, 我地咪一人拎幾罐lor, 好似中秋咁, d人拎住一袋二袋月餅跑去撘火車咁, 超變態。