全民迎聖火

為嚮應公司呼籲, 今日著左紅衫返工, 貼紙就無貼啦, 撞色0麻。之但係無啦啦十一點幾大秘書打電話黎話有衫派, D衫落咁黎, 一定要著。結果我就得到一件絕版"中國加油" TEE啦。聽聞賣哂架啦, 無得賣。拿拿林著上面算, 著左全日。

十二點幾, 開電視睇送聖火, 剛好趕及睇老細跑, 同事仲唔知係邊到拎左札國旗落黎, 膠旗, 好攪笑。

下午, 佢地去哂開會, 尾段我地就開住個電視睇埋最後那幾棒。其實好想落街睇的, 但係佢地話行出去食飯, 出邊企滿哂人啦, 點會睇到, 所以唯有睇電視啦。