七不思議事件之五 - 免費旅行

由舊年開始都話要整家人去旅行, 今年終於可以成行了, 仲要係免費添。

話說, 那天返深圳撘地鐵的時候, 哥哥無啦啦問幾時去, 跟住我話你問阿媽啦, 佢都唔知有冇假, 佢拎唔到假咋0麻, 跟住哥哥同媽講, 我俾錢啦, 你返去拎假啦, 跟住我話, 我呢???? 佢話俾埋lor, yeah, 唔使錢去旅行~~~

跟住媽媽就返去問下有冇替工啦, 但係一個替工唔肯做, 因為假期太長, 太辛苦喎, 因為要拎埋入長洲的假期, 而另一個替工又答覆唔到佢住, 因為佢見左奧運馬術的工。而我就開始搵團搵行程啦, 去泰國對我來說係可以自由行的, 我夠膽的, 但係帶住兩老, 都係跟團好, 我唯有曦牲自己啦, 但我搵d團都係有自由活動時間的, 呵呵~~但係媽一日未拎到假, 呢個希望都不能實行, 其實都打定輸數的, 因為人地咁耐都無答, 我地又諗住五月七號去喎, 係時間要報團架啦0麻。

某一天, 媽媽突然間返返下工打返黎話, 有替工啦, 佢兩個輪流替佢呀, 佢即刻連錢都俾埋架啦, 但係媽不停問, 成唔成團架, 我話呢個團唔成, 咪第二個lor, 實有得去的。

其實一路問, 一路d旅行社都話我心中團種都未成團, 結果我同哥都係報左東瀛遊的泰國芭堤雅五天團, 好處係有三餐需要自己自費的, 有一個包day pass自己全日自由活動, 可以勁shopping, 同埋自己搵野食。那些康泰團, 餐餐包, 仲要帶埋你去食咩阿一飽魚, 飽參翅肚咁, 我去泰國喎, 我想食本地野呀。

其實真係好遲報團架啦, 但係都係未成, 唔理啦, 報左先算, 返屋企時仲同哥諗, 唔成團, 轉去邊到好呢, 日本, 新加坡, 汶萊 (去汶萊攪乜, 買金呀, 買石油呀), 青島, 哈哈, 計我話, 唔成團咁係轉日本啦, 傻的, 哈哈~~

結果出發前九日, 東瀛遊果然打黎話我知唔成團, 問我會唔會轉去另一個團, 行程差唔多, 航班一樣, 但係住三星期酒店, 仲平六百蚊添。但最大的問題係住三星級酒店, 去泰國無理由住三星級酒店架喎, 同埋佢d三星級酒店d樣見到都嚇一嚇, 老豆實依依哦哦的, 結果咪要拎錢走去康泰lor。佢都係只剩番一個團種係當天出發, 其他唔係滿左就係唔成團, 頂, 唔係哥哥話唔去動物園, 我都未必會報東瀛遊, 因為知道成數唔大。家下咪又係要去動物園, 早d咪報個好d的團lor, 住好d, 而家轉去的團, 話住四星級, 但唔係新酒店lor。算..我括左出去, 又唔使我俾錢, 下次我要自己去再住好d。

家下個康泰團, 算係咁啦, 唔係去埋0個d咩蛇園, 咩蝎子園咁, 但都會去那些咩咩珠寶城咁, 金蜂園等等, 我想呢d應該係政府規定要去的, 因為乜旅行社的團都會去。但仍然都會去夢幻樂園, 我最唔想去的地方, 又悶又無野玩, 不過竟然有人提醒我, 隔離有個shopping mall lor, 唔入園可以去行, good~~

跟呢個團, 又幫我慳左錢lor, 無左一日自助遊, 我咪唔使逗留係d shopping mall到咁耐, 使少d錢。基本上對這個泰國之旅無乜期望, 只係希望買到我想買的東西, 我的希望唯有寄望下次自由行。