飯局 - 德國菜

是晚同事飯局德國菜, 一行十四人, 唔識讀個名, 舖頭在尖東站上蓋的, 新世界對面。未試過德國菜, 梗係要試下啦, openrice評語很高的。地方不錯, 環境氣氛都不錯, 只是唔坐近live band的, 就不會很嘈了。

德國菜, 食d乜, 當然係豬手, 腸, 同埋啤酒啦, 未坐底, 已見到瘟神在看緊啤酒了。結果, 男士每人一杯啤酒, 女士五人一杯啤酒, 啤酒來到, 佢的size, 好似人地競飲大賽那些的, 好大杯。我但五位女士, 每人都可以分到lock杯的大半杯, 啤酒味道確實不錯, 幾好飲。女士們再加多杯特飲 - 芒果情緣, 唔錯, 都幾好飲。

第一輪食物, 包括腸, 薯仔, 沙律, 麵飽等, 樣樣都好好食的, 但碟頭比較細, 一碟基本上預兩至三個人食到啦, 但價錢美國餐廳的大碟頭價錢。第二輪食物, 攻肉類了, 炸豬手, 炸雞, ribs, 肉眼扒, 麵飽, 薯仔 (真係好食), 當叫完這輪食物後, 就有姐姐埋黎sale我地入KING'S GROUP會了, 她說我地張單差唔多可以唔使俾年費了加埋D優惠, 我同查理基本上都無乜心機聽佢講, 因為都無住JOIN, 一路食一路聽佢講, 我們說要考慮。當第二輪食物來了後, 佢又來SALE, 我地話再諗諗先啦。第三輪食物, 腸, 著餅, ENCORE食物等等, 當叫完這一輪食物後, 姐姐又來了, 她說, 現在我們的單, 一定唔使俾年費了, 還有紅白酒送給我們了。我們見還樹都唔使俾啦, 那就JOIN吧。我們聖誕飯局, 可以考慮去旗下餐廳了, 但間間都很貴的。

基本上, Meau上的食物, 我地都叫哂了, 因為碟頭細, 我地乜都叫黎試下, 結果係叫到無野好叫, 好在佢地飲啤酒飲飽0者。後來坐坐下, 開埋支白酒飲, 麻麻地0者。有家室同事先行離去, 剩下幾個就吹吹水, 後來我都走了, 佢地留下飲埋支紅酒, 總括食物質素是不錯的, 真的好吃, 是晚高消費, 每人三百二, 又酒又成枱野, 差唔多啦。