表姨家訪

在婆婆的英雄宴上, 這個肥表姨說, 她在大棠買了一間村屋, 可以燒野食的, 當時, 媽媽說, 幾時去參觀下呀, 燒下野食啦, 肥表姨話, 等我book期先, 我d女book哂, 呢d場竟當然覺得吹下0者, 點知真係真喎, 佢叫我地入去燒野食喎。

那我就跟舅父母, 哥哥同肥仔, 一行五人去肥表姨家了, 我完全唔知那樹係邊到, 只知係元朗原築轉入去啦,。去到肥表姨家, 發覺好多人, 係好多人, 成三十幾人都有, 屋三枱麻雀, 外邊又有d人坐, 見到舅公舅婆, 原來裏邊的, 有五舅公舅婆, 即係肥表姨的父母, 同埋表舅父, 表嫂, 期餘五個表姨, 表姨丈, 仲有其他表姨, 姨婆, 嘩, 十個有十個我都唔識的, 可能佢地會忍得我, 如果當晚佢地有去婆婆那樹的話, 但我唔認得佢地lor, 舅父母當然識啦, 佢地一齊大的麻, 我地呢代的, 緊係唔識的, 好在佢地好健談, 肥表姨, 表姨丈, 個個都0岩咀形, 加上人又多, 氣氛都不錯的。

佢間村屋確實不錯呀, 係一個屋苑來的, 七百呎屋, 七百呎花園, 再加建的房間, 很好用。是晚食物超多係超多, 我想夠五十六人食, 原來今日係肥表姨的生日來的, 唔怪得咁熱鬧啦。但我地燒左一輪就無燒啦, 因為打完麻雀的都出來了, 太多人了, 跟住食下生果, 飲下野, 飲下糖水, 都飽了。佢地一路吹水, 我地咪一路聽lor, 同埋行行企企, 周圍參觀埋隔離的村屋, 哈哈。

但結果, 飲飽食醉後, 走時又覺得有空洞的感覺, 就去左食粥當宵夜啦。肥仔很驚訝, 我可以有咁大班親戚的, 但這樹只係一個family來的, 我婆有九兄弟錯姐, 我公有十兄弟姐妹, 有數得計, 連我媽都唔知佢自己有幾多個老表, 幾多個老堂, 甚至連舅公, 我想佢都計唔到佢自己有幾多姪, 因為有d係唔常見的, 甚至無乜聯絡的, 所以我的family可以好細, 亦都可以好大的。