中秋節

屋企已經做左節, 今晚到肥仔家食飯。晏晝跳完舞後, 返左屋企hea左陣先去肥仔家。吃過飯後, 我倆的重點節目, 就係落街玩燈籠啦, 舊年買的楊桃燈龍再次出黎啦, 由屋企行到去碼頭再行番轉頭, 咁hea下hea下都行左兩個鐘返屋企。



在河邊, 沿路都見到一家大小在嘗月, 切生果吃月餅, 想起, 其實細細個都只係試過兩次咁樣咋喎, 一次係燒野食, 一次在市鎮公園, 其實留意到, 在街上嘗月的人, 大致分為情侶, 有小朋友的一家人, 及一大班年輕人。尤其是煲蠟被禁後, 中秋節的氣氛少之有少, 還看我們的八十年代, 每到中秋, 前幾日已經期待著落街玩燈籠, 蠟燭, 直到八月十六。現在我想, 小朋友會答你, 咁熱, 不如係屋企打機仲好啦, 沒有了我們以前中秋的氣氛。

曾經吹氣燈籠大熱, 但我卻鐘情紙札燈籠, 整晚, 在街上見到拎著這種燈籠的, 都是必經了八十年代的人, 即係我地咁大至到三十零歲那批啦, 好明顯, 證明我們已經老了, 我們很記掛著以往的中秋氣氛, 很想回到從前。

沿路行, 一邊忙著整理消滅的蠟燭, 一邊補充。最得意的, 是在啟豐附近, 見到有一個女仔, 拖著大白兔燈籠過馬路, 一隻大, 一隻中綁在一起過馬路, 好攪笑, 亦有一些人拖著大白兔放狗, 夠竟狗狗會唔會以為佢係同類呢?

今年的月亮很圓, 很美, 總令人想起很多過往的美好回憶。