每年的這個日子, 定必是收大信封的日子, 這是一個傳統。大信封的意思是加人工的意思, 而不是俾人炒, 因為要炒的大信封, 應是在年頭做的, 所以這個大信封是一個開心的信封。
一早返工, 老闆晨早返工收風, 幾時有大信封, 原因是今年全世界, 不論任何職級人士都有花紅分, 他那一份定必是很大份, 否則他不會這樣緊張。但係負責的主管說有些部門還跟三少在拉鋸當中, 未有得派住, 說會在下午派。到午飯過後, 又收到風, 還未可以派, 要等過左年先可以, 因為三少的秘書說, 有些還未得到三少首肯, 所以未派得, 但又收到風大少一定要在今天派, 因為這是傳統。整個過程是一個迷。
四點半, 無信收, 唔開心地收工, 去吃左碗麵打底。剛到?會展, 即收到電話話有部問派咁信, 勁開心, 即通知部門秘書留意狀況, 嘩哈哈, 有錢收。
入席後, 無聲無仔, 原來老闆好醒, 剪完毛, 就返左公司等收信, 但係佢無拎去會場, 但見佢勁開心, 一定分左好多。
今年的annual dinner, 司儀係羅惠娟, 表演嘉賓係方伊琪, 頓時極之失望, 方伊琪, 老歌。
今年台下遊戲, "超級無敵開口中", 我那一?竟然被羅惠娟選中玩, 本來佢已經離開左我地附近, 但突然回頭, 再選我那一邊的?, 我地要高舉我地的?號, 揮手, 叫喊, 吸引佢望我地那一?, 佢叫全部放下手, 等佢發號司令, 當佢發號司令後, 我全?都高舉揮手, 竟然吸引到佢的注意, 最攪笑係, 我那一?係同老闆坐的, 老闆都有份叫。當羅老娟埋黎的, 最近的我就高舉那個會爆氣球的道具, 叫出那個會中的數字, 氣球爆破, 代表我們的那一?勝出了, 點解會中, 因為那時只得43, 44號可以揀, 呢個咁0既場會, 點會係44呢, 當然係43啦, 得到全?同意, 叫出43號, 全?中?, 大利是一封。全世界以為我地的利是好大, 仲有人想用所中的東京旅遊套票同某事換, 但佢地無估到呢封利是只係廿蚊, 係廿蚊, 出手奇低, 呢間公司真係不知所謂, 只有三?人會中獎, 即三十幾人都係得廿蚊利是, 個個做都以為會有張紅色, 呢間公司就係咁cheap。但係就得到一個電腦部可以出鏡的機會, 全?架, 唔係我一個, 同埋希望今年個個lucky lucky啦。
到方伊琪表演, 一致劣評, 連我老闆幾十歲的人都睇到呆左, 勁悶, 萬水千山總是情, 甜蜜蜜, 仲有"交道", 過年阿大姐, 你唔係呀, 又唔識攪氣氛, 結果變成一個超級廁所位, 好多人起身去廁所, 食煙, 又見到全場靜哂, 呆坐, 十幾分鐘。
大抽獎, 一如以往, 建築部成左大嬴家, 因為全場一半都係建築部的地盤佬, 又係一場悶氣, 禮品不吸引, 全部都係贊助物品, 型號舊, 又cheap, 最吸引的都是現金, 同埋旅遊package。
完場, 走人, 今日決定撘村巴, 返到屯門, 毫左0個廿蚊黎撘的士返屋企。
@lucky?號, 好在唔係67
@司儀羅惠娟
沒有留言:
發佈留言