年廿九

今日係年廿九, 阻0岩今年紅假有得放假, 之前一晚三點幾先訓, 所以今手兩點先有知覺, 有知覺的原因都係因為有人開左我部printer印0野, 我先醒, 否則, 食飯啦, 應該會醒。

訓醒落街high番個tea, 同哥哥兩條友食到人地收爐, 落閘。食飽飽, 又返上屋企等再食。今年食飯得四條友, 因阿媽要返工, 怕趕唔切, 所以唔俾我0的舅父母黎, 咁我就無左食一日本巨蟹的機會, 但換來的係鮑參肚。但對我來說, 蟹比較吸引。

食飽飽, 又等, 等去街, 等睇戲。行街0的人買0野好似唔使錢咁, 一袋二袋在手。
睇左套春田花花同學會, 幾攪笑。係, 無錯係無聊, 過年過節有邊套0野係唔無聊的呢, 無線晚晚半夜都播"老歌", 唔無聊嗎？其實睇麥兜0既戲係有體會的, 會睇到你會心微笑, 因為佢所講0既0野就係你日常生活會發生0既0野, 好明顯係到串咁你。好鐘意佢?邊用學校黎講咁家下返工都好似返學咁咋0麻, 有句對白係"咪又係問候咁人地0的人格", 好頂癮, 其實返學時又係咁問候, 返工問候得更厲害咋0麻。

睇完返歸, 兩點幾, 返到去執埋個糖果盒, 睇埋電視, 零晨五點訓。訓前仲同iris傾左兩句, 哈佢地都準備過年呀。